Home Gobierno Huez a bisa duidelijk cu Michael Williams a basa su mes den...

Huez a bisa duidelijk cu Michael Williams a basa su mes den opinion personal sin prueba

104
0
SHARE
- Advertisement -

Minister Otmar Oduber:

ORANJESTAD (AAN) – Den conferencia di prensa yama pa Minister di Infrastructura y Desaroyo di Medio Ambiente, sr. Otmar Oduber, e pregunta tocante e sentencia di Huez den e caso cu gobierno a lanta contra Michael Williams.

E mandatario a indica cu tabata tin acusacionnan tocante un proyecto hopi importante pa gobierno, cu ta esun di sanacion pa e dump di Parkietenbos y procesamento di sushi den futuro.

Minister Otmar Oduber a splica cu sr. Williams, den diferente ocasion, a papia tocante King Islands, cu lo tabata tin dealnan cera y cu ya tabata tin hende cu mester a gana e destaho y a yama e mandatario pa corupto.

E mandatario a expresa cu Diabierna enberdad Huez a bisa den su veredicto cu un ciudadano manera sr. Williams por expresa su mes sin cu esey kiermen cu e tin prueba riba dje.

Huez a haya cu gobierno, e minister den e caso aki, por reacciona den publico riba sr. Williams, locual e no kier a haci pero laga e proceso tuma lugar na un manera hopi serio.

A base cu Huez a bisa cu gobierno tin e posibilidad di por contesta riba e acusacionnan cu tin. E mandatario a subraya cu e acusacionnan mes cu a bin dilanti, cu tin e posibilidad pa por reacciona, y cu no pasobra e tin su pensamento por prohibie di papia.

Huez a bisa na un forma duidelijk cu sr. Williams no tabata tin ningun prueba y cu aki ta trata specificamente di su opinion personal.

Pa e minister ta importante cu no tabata tin ningun caso di corupcion y ningun prueba, apesar cu sr. Williams a bisa cu e ta habri afo cu pruebanan pa presenta den Corte. Huez a bisa sr. Williams cu el a expresa e palabra “corupcion” un cantidad di biaha, pero no por a prueba esaki.

El a reitera cu Huez a bisa cu esey ta opinion personal di sr. Williams y a splica tambe cu el a papia sin contenido y a bay di A pa Z di Z pa B y tabata tin speculacion.

E mandatario a subraya cu e 21 companianan cu ta participando den e destaho publico sa cu no tin ningun corupcion y esaki ta bayendo den bon direccion.

- Advertisement -

DUNA COMENTARIO

Please enter your comment!
Please enter your name here