Home General Idea pa lanta un hospice na Aruba ta for di cuater aña...

Idea pa lanta un hospice na Aruba ta for di cuater aña pasa caba

56
0
SHARE
- Advertisement -

ORANJESTAD   (AAN): Peter Paul Hermans ta un dokter di cas pensiona y e ta un di e motornan tras di Fundacion Hospice Atardi. E ta conta cu a cuminsa cu e idea di lanta un Hospice na Aruba cuater aña pasa. Esey a bin pasobra e cuido paliativo cu tin na Aruba, de bes en cuando no ta asina bon manera cu kier. Si hende cu ta den e fase terminal di nan bida, no por wordo yuda suficiente na cas. Hopi biaha nan mester bay hospital y mester haya nan cuido eynan.

Pa hospital, e ta un bon luga pa bo wordo cuida, pero pa un hende cu ta terminal, e no ta tur cos. Pasobra hende no por keda cubo henter anochi si tin mester y bo no por haya bishita tur ora y hopi cos mas cu ta masha dificil, ora bo ta keda na hospital.

Ta pesey den tur parti di mundo casi, nan a lanta hospices. Na Hulanda e prome hospice a wordo lanta mas cu 30 aña pasa. Corsou tin por ehempel, ya tres hospice awor aki. Tur caminda bo ta mira cu hende di comunidad, ta masha contento cu un hospice, pasobra e cuido pa hende cu ta hopi malo asina, ta basta mas miho cu prome. Ta pesey kier a lanta un hospice aki na Aruba tambe y a cuminsa cu e fundacion cuater aña pasa. Pero e tabata tiki dificil pa a haya AZV duna e fondonan pasobra den ley e ta para cu nan tin e parti curativo y e parti paliativo.

Cuido vs genezing. Esey ta e cos mas dificil. Ta pesey awor aki cu a haya e formula cu esaki ta un sorto di Ziekenhuisverplaatse zorg, manera e hende, si no tin otro posibilidad y mester bay hospital, asina por cuida nan den un hospice. Normalmente ta trata di hende cu tin tres luna mas di bida.

 

Pashentnan terminal

Tin ocasion cu pashentnan ta den un fase terminal, pero ta keda biba un tiki mas largo. Dr. Hermans a splica cu a yega di pasa na Hulanda, pasobra a mira hopi hospice eynan y tur hospice tin pashent cu a keda eynan pa casi un aña. E por pasa. Ta un cos cu ta pasa poco.

 

Diferencia entre Paliativo y Curativo

Curativo ta nifica cu kier cura un hende. Pero ora ta trata un hende paliativo, esta bo no tin idea mas na prome luga pa cura un hende, pero bo kier cuid’e mas miho pa e no haya dolor por ehempel.

 

Na unda y con

No mester paga hopi na Hospice Atardi. Tur hende por paga esey. E ta menos cu pensioen di biehes. Y e lo ta ubica na e cas di Ho-Sing Loi, na Cura Cabay.

Pa keda den e hospice, un specialista cu ta traha pa AZV mester constata cu e pashent ta terminal. Asina so e por drenta den e hospice. Segun dr. Hermans, pa un hende e hospice, mester pasa den opname commissie. Dokter di cas mester ta na altura, e hospice mes mester ta di acuerdo y e specialista di hospital, mester ta di acuerdo.

Lo bay tin personal specialisa, entre nan verpleegkundigenan.

E gasto total cu posiblemente lo bay gasta, lo ta 600 mil pa aña. Esaki ta inclui tur cos. E cas por handle 6 persona maximo.

 

Famianan por keda

Famianan por bin anytime y si un of dos hende kier drumi hunto cu e pashent, esey tambe ta posibel, dr. Hermans a splica por ultimo.

 

- Advertisement -

DUNA COMENTARIO

Please enter your comment!
Please enter your name here