Home Enseñanza Implementacion di SAM na Scol Primario no ta na vigor ainda

Implementacion di SAM na Scol Primario no ta na vigor ainda

67
0
SHARE
- Advertisement -

Ta planea te na 2030 haci introduccion den scolnan na Aruba

ORANJESTAD  (AAN):  Minister di Enseñansa a aproba Scol Arubano Multilingual y esaki lo keda implementa na tur scol primario na Aruba. Esaki ta encera un cambio mas grandi cu djis esun di idioma, pasobra tambe ta bay implementa un curiculo nobo, e metanan nucleo cu ta conoci ya desde aña pasa, ta bay implementa esakinan, pero ta un manera diferente di organisa enseñansa na Aruba y ta bay tin un forma nobo di duna les.

Ta bay mara tur e vaknan cu e muchanan ta haya na scol na e metanan nucleo, cua ta e nivel cu kier pa nan yega, kiermen e no ta mara na metodo so mas, pero tur scol ta liber pa scoge cua metodo nan ta bay uza pa, ban bisa, yega na un cierto nivel di idioma of yega na un cierto nivel di conocemento di mundo. Esaki ta pa tur scol preparatorio y basico.

E maneho ta cu tur mucha ta haya les den e idioma cu nan ta conoci cu ne, nan idioma materno. Esey si ta algo cu ta ancra den derecho di mucha caba. Bo ta duna les den tur idioma. Un mucha Arubiano ta crece den un ambiente multilingual. Nan ta wak tv na Hulandes, Ingles, Spaño. Na cas nan ta papia Hulandes, Ingles, Spaño y/of Papiamento.

Imagina bo, bo ta bay un curso, bo ta bisa bo echt kier siña algo tocante educacion,pero nan ta duna e curso na Rusiano, bo ta bay siña algo? No! Esey kier kita, kier kita e barera pa e mucha siña. Si tin algo, ban bisa, na scol preparatorio, anto e prome cosnan cu e ta topa cu ne ta un idoma straño, bo no por saca loke bo kier siña for di e mucha. Esey ta purba nivela aworaki. E chens cu e mucha ta siña loke e mester siña y e kier siña. Ingles tambe ta un parti di e les cu ta bay duna. E mucha ta bay haya les den cuater idioma y ta bay tene cuenta cu e didactica di idioma stranhero di Spaño, Hulandes y Ingles.

E implementacion di SAM na Scol Primario no ta na vigor ainda. Ta haciendo e preparacionnan pa  tin un bista cla di e cambio. Tin scol piloto cu ya a cuminsa caba, nan grupo di mucha ya a yega klas 6 caba. Nan ta bayendo awo Mavo y Colegio.

A sinta cu Mavoschool San Antonio, cu a pidi instruccion con pa bay cu e grupo nobo aki, pero pa e resto di scolnan na Aruba e implementacion ta planea te na 2030 y nos scolnan mester ta cla pa pasa door di e cambionan aki. Seccion Guia di Departamento di Enseñansa ta bezig cu e scolnan pa mira ki ora nan ta cla.

Pa mas informacion por bishita e website di DEA www.ea.aw y e pagina di facebook SAM – Scol Arubano Multilingual.

- Advertisement -

DUNA COMENTARIO

Please enter your comment!
Please enter your name here