Home Policial Investigacion ora a haya homber fam Bikker mal herida den Rancho

Investigacion ora a haya homber fam Bikker mal herida den Rancho

546
0
SHARE
- Advertisement -

ORANJESTAD(AAN): Diadomingo mainta trempan Polisnan a worde manda den direccion di Rancho. E prome informe tabata cu banda di Kowloon Restaurant, pues pafo tin un persona malamente herida.

E prome yamada tabata cu un hende a agredi un homber y e tin un kap basta grandi na su cabez. Ora cu Polis a yega na elugar a resulta cu e caso tabata te banda di e famoso cas Ranchostraat 2. Eynan a topa cu personal di ambulance cu tabata pendiente pa yegada di Polis.

Nan a topa cu un homber berdad benta riba e caminda na e T-Weg di Visstraat cu Ranchostraat. E versionnan tabata diferente. E persona no tabata reacciona. E tabata tin un kap grandi na frenta y tabata sangra masha hopi. No por a comunica cune pasobra e tabata for di tino. Polis ta sospecha cu e lo por a bin eybanda den e zona peligroso pa cumpra droga. E tabata cu un pickup A-6088. E vehiculo tabata para algun meter leu mey mey di caminda den Visstraat.

E victima ta L. Bikker biba na Hooiberg Kavel. Polisnan a tuma e caso masha na serio pasobra e informacion cu nan a haya di e paramediconan di ambulance no tabata asina alentador riba e situacion di e victima. Pesey un investigacion tabata na su lugar mesora. Tur informacion a worde nota pa Polis.

Ambulance a sali cu e victima pa hospital despues cu a trate y stabilize na e lugar. Aunke tin algun ambulante den e area cu ta bisa cu e victima a cay y herida su mes, tog otro yamadanan cu a drenta ta bisa cu el a worde golpia. E version exacto no por a confirma. Polis a tuma e yabi di e pickup A-6088 den beslag y laga e pickup para den Visstraat.

- Advertisement -

DUNA COMENTARIO

Please enter your comment!
Please enter your name here