Home Hulanda ISIS a admiti cu nan a mata turista Hulandes

ISIS a admiti cu nan a mata turista Hulandes

635
0
SHARE
- Advertisement -

ORANJESTAD (AAN): Den fin di siman a circula informacion cu turista Hulandes a perde su bida na e pais di Tajikistan, debi na un accident di trafico.

Pero awor a bin sali na cla, cu no ta trata di un accident, pero mas bien un atake di e grupo terorista ISIS.

Informacion di e ciudad di Dushanbe, ta mustra cu riba Diadomingo, e cuatro turistanan riba bicicleta, intencionalmente a wordo gedal door di auto.  Pero despues di e golpi, nan a wordo ataca y herida brutalmente.

E hulandes René Wokke di 56 aña di edad procedente di Amsterdam, a wordo mata.  Su amiga Kim Postma di 58 aña di edad a resulta herida.

Awor a sali na cla, cu despues cu e ciclistanan a wordo herida, e atacantenan a sali di vehiculo cu cuchiu den man y asina ataca y herida nan.  Ta trata di siete ciclista, di cual dos ta Mericano, uno Hulandes, y uno di Suiza.

Despues di e acto aki, tabatin un persecusion unda autoridad a logra pone man riba e chauffeur di 21 aña, a mata un otro, pero tres a logra huy.  Riba Dialuna, e tresnan aki a wordo mata tambe den pueblo di Osmandara.

Riba Dialuna, ISIS a admiti cu e ta un atake di nan.

Un video cu un di e teroristanan a graba di e atake, bo ta mira con un Daewoo Leganza color scur na varios ocasion tabata dal y pasa riba e turistanan.  E auto tabata bira varios biaha riba e Highway di Pamir, pa asina keda dal cada uno di nan.

Hospital a ricibi varios hende herida, cu herida di cuchiu profundo den nan curpa. Dos Mericano tambe a muri.

E ciclista Hulandes tabata un persona aventuroso y tabata coriendo cu bicicleta for di Thailandia pa Iran, pero no tabata kier a pasa den Afganistan cu ta peligroso.  Y el a opta pa pasa door di ex-republica Sovietico.  Pero eynan el a bin haya su morto.

E dama Postma ainda ta den Hospital.

Autoridad ta tratando e caso aki como un Atake Terorista, y ta apenas Dialuna a bin realiza cu ta ISIS ta tras di esaki.  Via su agencia di prensa Amaq, ISIS a laga sa e informe aki.  “E atacantenan tabata soldatnan di Estado Islamico cu a actua riba un yamada pa asina ataca ciudadanonan di ‘paisnan di coalicion’,” segun Amaq a declara.

E cantidad di ‘luchador’ cu den ultimo añanan a uni na ISIS, y cu a lucha na Syria y Irak, ta na Tajikistan un tiki mas halto compara cu e paisnan bisiña.  E islam radical tin hopi influencia riba e pais cu tin ocho miyon di habitante, di cual mayoria di e poblacion ta musulman.

Taliban y Al-Qaeda den pasado tambe a yega di lucha na e pais aki.  Tajikistan ta tambe un trampolin importante pa droga cu ta wordo saca di Afganistan.  E area unda e turistanan riba bicicleta a wordo ataca, ta situa menos di 100 kilometer di frontera cu Afganistan.

- Advertisement -

DUNA COMENTARIO

Please enter your comment!
Please enter your name here