Home Social Island Finance a habri su prome “Express Branch” na Aruba

Island Finance a habri su prome “Express Branch” na Aruba

56
0
SHARE
- Advertisement -

ORANJESTAD (AAN):  Sra. Ivy Simon- Hernandez, Country Manager di Island Finance Aruba, cu hopi entusiasmo a expresa cu Dialuna tabata un gran di pa nan, pa motibo di a habri nan prome “Express Branch” na Piedra Plat.

Hopi hende ta puntra nan mes kico “Express Branch ta”, e dama a expresa, indicando cu Island Finance ya caba tin cuater oficina na Aruba, den cual tin 11, 13 y den un tin 23 empleado ta trahando.

Nan haci un sondeo den e mercado, pasobra nan kier ta mas cerca di e pueblo, anto nan ta trahando oficinanan chikito cu maximo tres empleado, cu ta duna comunidad e mesun servicionan, manera haci prestamo, haci pago, etc.

Sra. Simon a subraya cu esaki ta e prome, pero podise nan tin sorpresa prome cu aña caba, y pa e ocasion aki a invita e presidente di e compania hunto cu un delegacion cu lo ta na Aruba Diamars pa reunionnan internacional cu ta bay tuma lugar den nos pais.

Ta trata di un delegacion di 16 persona, cu locual Island Finance ta hopi honra cu nan a scoge Aruba e aña aki. Nan lo wak con e economia di Aruba ta, pa nan inverti akinan. Sra. Simmons a expresa cu IFA tin 38 aña aki na Aruba ya faltando poco pa nan 40 aña, y el a expresa cu nan ta na Aruba pa keda. Sra. Ivy Simon-Hernandez a gradici henter nos comunidad pa su acogida, y pa ta cu nan.

- Advertisement -

DUNA COMENTARIO

Please enter your comment!
Please enter your name here