Home Gobierno KB no ta mas riba agenda pa Aruba den Ministerraad awe na...

KB no ta mas riba agenda pa Aruba den Ministerraad awe na Hulanda

113
0
SHARE
- Advertisement -

Prome Minister mr. Evelyn Wever-Croes:

ORANJESTAD (AAN) — E ultimo tema cu Minister Presidente, sra. mr. Evelyn Wever-Croes, a toca den conferencia di prensa Diahuebs, tambe ta den e contexto di e bishita di Secretario di Estado di Hulanda sr. Raymond Knops, na Aruba, diamars ultimo.

E dignatario a haya oportunidad den oranan di merdia pa combersa cu e funcionario extensamente, y el a splike cu kico nos ta bezig na Aruba.

“Awe tin un reunion di Conseho di Minister na Hulanda, y e reunion aki tabata tin un KB riba agenda pa Aruba, pero e no tey mas,” segun di dignatario.

Esaki Minister Presidente ta considera un logro grandi ta un paso, no ta e final, pero alomenos ta un stap pa nos pais tin trankilidad.

Unda nos ta para cu Hulanda aworaki? E mandatario a indica cu no tin un protocol firma ainda. Den lineanan grandi Hulanda y Aruba ta di acuerdo, pero sr. Knops ta bay pidi apoderacion pa por negocia un protocol y e ora ey gobierno mester hinca e palabracionnan den un protocol.

E mandatario a expresa cu, como hurista, e sa cu den casonan asina esaki ta un fase cu por tarda, ora tin diferencia di opinion riba cierto palabranan. E por tuma tempo, y e dignatario no kier duna impresion cu nan ta cerca di cla, pero Prome Minister ta hopi satisfecho cu alomenos riba lineanan grandi Hulanda y Aruba tin un acuerdo.

El a presenta esaki na Parlamento y a informe di e lineanan grandi, pero e palabracion ta cu un bez nan tin un protocolo, lo bay Parlamento prome pa esaki wordo aproba y djey lo firma e protocolo. “Esaki ta un update riba e discusionnan cu Hulanda”, e mandatario a expresa pa conclui.

- Advertisement -

DUNA COMENTARIO

Please enter your comment!
Please enter your name here