Home Actividad Especial Kiwanis cu exitoso prome Atardi di Storia di ‘Axel y su Pork’i...

Kiwanis cu exitoso prome Atardi di Storia di ‘Axel y su Pork’i Spaar’

9
0
SHARE
- Advertisement -

E siguiente lo ta na Paradera

ORANJESTAD  (AAN):  Manera a wordo anuncia na comienso di Juli 2018, Kiwanis Club of Young Professionals Aruba (KYPA) durante e temporada di vakantie a lansa oficialmente su buki ‘Axel y su Pork’i Spaar’ en conexion cu e proyecto ‘Placa Chikito’.

E proyecto ‘Placa Chikito’ a cuminsa na aña 2012 caminda cu a identifica cu e topico di finansa personal mester di mas atencion. E aña aki e proyecto ta wordo presenta pa di tres biaha den un forma nobo. Pa tin un impacto mas grandi y duradero e comision encarga cu e proyecto a dicidi pa desaroya un buki pa den forma di un storia conscientisa y educa muchanan.
E buki ‘Axel y su Pork’i Spaar’ cu a wordo scirbi pa e mente creativo di Edselyn Figaroa y ilustracion imaginario di Leidys Ledesma a wordo presenta na e prome atardi di storia diasabra ultimo na MFA Noord. E buki a wordo presenta den un forma unico caminda cu voluntario di Fundacion Bon Nochi Drumi Dushi; Desiree Correa a presenta un parti di e buki via poppenkast. Sigur e muchanan a disfruta di un atardi diferente y educativo caminda e muchanan a haya nan buki di ‘Axel y su Pork’i Spaar’ y tambe un spaarpot regalo .
E Atardi di Storia ta danki na diferente partners cu ta kere den un proyecto asina aki. Fundacion Bon Nochi Drumi Dushi cu nan manera unico pa presenta e buki, Elite Productions cu nan asistencia audio visual y por ultimo e aporte di Aruba Bank y Caribbean Mercantile Bank pa por hasi e proyecto aki realidad un biaha mas.

E proximo Atardi di Storia lo ta na Paradera cu ta completamente yen, tin algun espacio habri na e Atardi di Storia na San Nicolas dia 4 di Augustus y na Oranjestad dia 11 di Augustus tambe ta completamente yen. Un recordatorio ta pa manda un email na secretary@kyparuba.org pa asina mayornan por registra nan yiu(nan).

- Advertisement -

DUNA COMENTARIO

Please enter your comment!
Please enter your name here