Home Comercio KvK kier ta mas envolvi mas den cierto decisionnan di Gobierno

KvK kier ta mas envolvi mas den cierto decisionnan di Gobierno

29
0
SHARE
- Advertisement -

Ta boga pa e Crisis Heffing ta temporal

ORANJESTAD(AAN): Diahuebs durante un conferencia di prensa, presidente di Camara di Comercio y Industria (KvK), Ernst Mohamed a bisa cu e relacion cu KvK tin cu e gobierno actual ta bayendo den bon direccion, pero toch tin cierto cosnan cu KvK kier trece na atencion di gobierno.

E prome ta e crisis heffing.

“Nos ta mira cu e crisis heffing ta necesario, pero nos ta boga pa e ta temporal”.

“Nos ta di opinion tambe cu e cobramento di belasting mester bira un tiki mas husto y no manera aworaki unda cu tin hende cu ta cumpli cu pagonan di belasting y otronan no”.

“Nos ta bezig cu algun recomendacion, cu lo hasi e cobramento di belasting completo pa tur hende, pa asina gobierno por haya full e montante cu nan mester pa nan por logra nan budget”.

Esaki segun Mohamed, kende a sigui bisa cu KvK a haya varios yamada riba e situacion di Serlimar, unda cu e intencion ta pa cobra hende e asina yama ‘Milieu Heffing’.

“Nos ta contento cu nan a cambie y hunto cu nos ‘board’ nos tin algun recomendacion y mientrastanto cu e fecha a wordo hala, nos lo manda un carta oficial pa Gobierno despues, cu recomendacionnan cu nos tin pa locual ta e milieu heffing di Serlimar”.

“Nos ta urgi tur minister pa ora cu nan ta bay tuma un decision cu ta toca comerciantenan, pa por fabor involucra KvK, pasobra nos por yuda den con por presenta esaki na e mihor manera, of nos por no sostene e decision”.

Mohamed a sigui bisa cu dia pa dia KvK ta purbando di bin cu ideanan pa yuda Gobierno diversifica nos economia y pa trece proyectonan aden pa trece placa den nos economia.

El a indica cu pesey e ta contento cu KvK a sinta entre otro cu Minister Otmar Oduber y Prome Minister Eveline Wever Croes relaciona cu cierto proyectonan.

- Advertisement -

DUNA COMENTARIO

Please enter your comment!
Please enter your name here