Home Salud Laba bo man pa evita transmision di malesa

Laba bo man pa evita transmision di malesa

53
0
SHARE
- Advertisement -

Marjolyn Maduro:

ORANJESTAD  (AAN): Hospital ta tene su mes hopi bezig pa duna informacion na su empleadonan, en particular na verpleegsternan, e voedingasistente, servicio di limpiesa, ta pone enfasis hopi pisa pa higiena di man. Segun Marjolyn Maduro di e departamento di higiena y prevencion di infeccion na Hospital, higiena di man ta e parti unda cu ta mas lihe cu bo por transmiti un malesa. Por ehempel bacteria, virus, schimmel. Pesey ta asina importante pa bo laba bo man.

 

Ki ora ta bon pa laba bo man

E biahanan cu bo tin cu laba man, ta por ehempel prome cu bo come, ta importante. Prome cu prepara cuminda, ora cu bo caba di prepara bo cuminda, ora bo caba di uza baño, bo tin cu laba man. Tambe ora cu bo mira cu bo man ta visibelmente sushi, ta importante pa bo laba bo man e ora ey. Si bo tin un baby na cas, bo ta bay cambia su bruki, tambe ta importante pa bo laba bo man prome y despues cu bo cambi’e. Si bo ta un caminda cu bo no por laba bo man, ta conseha e ora ey pa uza handsanitizer.

 

Handsanitizer

E handsanitizer mester tin alcohol 60% pa e por tin bon efecto pa haci bo mannan limpi. E Handsanitizer ta mescos cu laba bo man cu awa y habon. E ta mata bacteria y esaki ta wordo promovi hopi na Hospital pa por haci uzo di dje.

Importante tambe ta pa ora bo laba bo man, uza awa y habon. Awa so no ta suficiente pa haci bo man limpi. Bo tin cu uza e habon y schrub bo mannan pa mas of menos 20 seconde pa e tin bon efecto.

 

Kico e habon ta haci

E habon ta crea un spuma cu ta pone cu e ta gara tur e bacteria of virusnan riba bo man. Asina bo ta spul’e cu e awa. Tambe ta wordo recomenda pa lab’e 20 seconde, cu bo tin cu freg’e duro. Asina bo ta kita tur sushi for di bo man. Si bo no tin awa cu habon e momento ey, bo por uza handsanitizer, cu tambe bo tin cu basha basta riba bo man. Percura cu bo man ta full cubri cu e handsanitizer.

 

Pasonan

Bo ta pone e handsanitizer den palma di bo man, freganan duro contra otro, percura pa bo laba entre bo dedenan, huñanan, riba top di bo dedenan y tambe riba bo dedenan. Asina bo ta schrub bon. Cu e handsanitizer bo tin cu percura pa e seca. E ora bo tin full efecto cu bo mannan ta limpi.

- Advertisement -

DUNA COMENTARIO

Please enter your comment!
Please enter your name here