Home Policial Lancha Venezolano cu 20 ilegal a wordo gara na Sero Colorado

Lancha Venezolano cu 20 ilegal a wordo gara na Sero Colorado

644
0
SHARE
- Advertisement -

ORANJESTAD(AAN): Diasabra anochi banda di 9or y 40 e personal di Kustwacht a mira un contacto riba radar.

E tabata un boto “La Picrama III” biniendo di Venezuela bayendo Rodgers Beach na Sero Colorado. Mesora a prepara un team y saca patruyanan riba lama.

Super Rhib di Kustwacht a sali y banda di mas of menos 1.5 miya pafo di tera a intercepta e boto. Abordo tabata tin 20 persona y tur ta Venezolano. Tabata tin tres muher y 17 homber. Den e 17 hombernan tin dos a wordo deteni penalmente pa wordo persigui pa traficacion di hende.

Nan dos ta capitan of ta encarga cu e trip cu ilegalnan pa Aruba. Pa traficacion illegal nan mester bay duna cuenta dilanti huez. Esaki ta bira di cuater boto gara pa Kustwacht den apenas dos siman di tempo. Personal di Kustwacth no ta bacila ultimamente y prome cu botonan yega tera, ya caba nan ta garanan riba lama. No a topa nada otro illegal abordo di e boto. E dosnan a wordo pasa pa Polis pa sigui e proceso penal.

E otro 18 ilegalnan cu ta Venezolano a wordo pasa pa Guarda Nos Costa pendiente deportacion. Kustwacht tambe ta haci intake y nan ta bin Aruba pa motibo di necesidad. Tin diferente di nan cu a yega cu boto of avion den pasado. Varios a wordo deporta den pasado. E hendenan aki ta paga como 300 dollar cada uno pa bin Aruba. Hopi di e hendenan aki tin biaha ta fia e placa for di esnan cu kier nan traha pa nan. Ora yega nan ta paga esaki bek trahando ilegalmente.

- Advertisement -

DUNA COMENTARIO

Please enter your comment!
Please enter your name here