Home Gobierno Lo pone contratonan di trabao na OC na consideracion di Conseho di...

Lo pone contratonan di trabao na OC na consideracion di Conseho di Minister

150
0
SHARE
- Advertisement -

Minister di Husticia mr. Andin Bikker:

ORANJESTAD (AAN)—Den conferencia di prensa di gobierno, a haci Minister di Husticia e pregunta si ta berdad cu den e Centro Orthopedagogico (OC) tin diescuatro contrato cu ta yega su fin y cu e trahadornan tin cu bay cas.

E dignatario a contesta cu gobierno ta atendiendo cu, entre otro, e casonan di OC. E mandatario a splica cu tin dos desaroyo ta andando no solamente pa loke ta trata OC, pero tin mas.

El a indica un bez mas, cu ora e gabinete aki a asumi e responsabilidad di goberna, diferente contrato cu a wordo firma pa gobierno anterior den periodo demisionario, hasta den dia di eleccion, y a tuma hende den servicio, y a base di hurisprudencia di Corte y consehonan di DRH nan a wordo evalua, y tin contratonan cu no a wordo otorga.

Tin persona a bay Corte, algun a gana e caso y otronan cu no, pero esaki ta casonan individual.

Den e caso specifico di OC tin contratonan cu a wordo duna den e periodo aki y tin otronan cu no, pero en todo caso e mandatario a sinta cu e directora siman pasa, y nan ta bezig bayendo na Ministerraad pa nan prolonga e contratonan, pa cual e directora a dune un organogram cu e cuponan necesario pa e institucion aki draai normalmente.

Minister Bikker a subraya cu e institucion aki ta dunando un tremendo servicio, y den e plan di crisis incluso a ubica fondonan adicional pa nan tin mas personal disponible, y OC ta bay habri un unidad adicional unda un grupo di menor di edad lo por haya un servicio adicional, cu actualmente no ta existi y cu tambe ta cuadra den e maneho di OC y netamente den e cuadro di Crisis Social.

En todo caso e mandatario lo presenta e contratonan na Conseho di Minister pa tene nan na consideracion.

- Advertisement -

DUNA COMENTARIO

Please enter your comment!
Please enter your name here