Home Comercio Lo ta bon pa crea un Youth Job Center pa e hobennan...

Lo ta bon pa crea un Youth Job Center pa e hobennan na Aruba

53
0
SHARE
- Advertisement -

Opinion Publico

ORANJESTAD   (AAN):  E dianan aki cu muchanan y hobennan ta cu vakantie tin mayornan cu no por afford un vakantie kamp. Den casonan peor, e muchanan tin cu keda nan so na cas sin supervision pasobra e mayornan of e voogd no tin un persona cu por wak pa e mucha.

Banda di esaki tambe tin hobennan cu ta keda cas sin haci nada productivo y tin esnan cu kier haci algo pero cu no sa kico nan por haci.

Un lector a comenta cu lo ta un bon idea pa durante vakantie grandi bin cu un centro di trabao (vakantie job center) of manera kier yame pa e hobennan tanto esnan menor di edad como esunnan 18+ pero cu ainda ta studiando gana un tiki cen y dedica na algo productivo.

Ademas di gana cen nan por haya experiencia y cuminza prepara pa ora nan bira profesional. Nan lo por desaroya nan habilidadnan y crea mas confianza den nan mes. Ora nan bay studia afo of cuminza nan carera profesional, nan lo ta mas sigur di nan mes.

E centro aki lo mester ta uno stabil unda cu lo por atende cu e necesidadnan di e hobennan for di no solamente e temporada di vakantie pero prome cu esey.

Na Aruba, tin Departamentonan cu ta yuda e empresarionan lanta nan negoshi. Pakico no pone e departamentonan aki crea un “youth labor center”, un oficina di trabao unda ta enfoca riba e hobennan cu no a caba nan scol, pero cu ta studiando ainda.

Y no ta papiando akinan di explotacion di menornan di edad. Sino di duna nan hermentnan con pa desaroya nan habilidadnan, banda di genera cen pa nan necesidadnan basico como estudiante.

Situacion a bira dificil na Aruba. Tur  prijs a subi. Tin mayornan cu no por afford e gastonan di nan yiunan. Y no ta papiando akinan di esnan cu ta haya bijstand so. Ta papiando di mayornan unda tur dos ta traha, pero tog e salarionan no ta duna. Corda riba e famianan unda tin un mama of tata soltero.

Mester pone enfasis riba e hobennan y no duna chens na conformismo, na e posibilidad pa nan cay den un “comfort zone”. Mester duna nan e chens pa nan mes crece y pa esaki mester e apoyo di e comerciantenan.

E comerciantenan local mester cuminza pensa riba con nan por genera un empleo of un espacio pa e hobennan na Aruba. Esey ta e reaccion cu redaccion di DIARIO a hay

- Advertisement -

DUNA COMENTARIO

Please enter your comment!
Please enter your name here