Home Noticia Internacional Maduro kier regula prijs di e gasolin mas barata na mundo

Maduro kier regula prijs di e gasolin mas barata na mundo

283
0
SHARE
A man fuels a car in Maracaibo, Venezuela on May 2, 2018. Amid blackouts, skyrocketing prices, shortage of food, medicine and transportation, Venezuelans go to elections next May 20 anguished to survive one of the worst crisis in the oil country. / AFP PHOTO / Federico PARRA
- Advertisement -

ORANJESTAD  (AAN): E fin di siman aki, entre 3 y 5 di augustus, lo tuma lugar na Venezuela un censo – pa medio di carnet di patria (un instrumento pa medio di cual e regimen ta ofrece ayudo social y ta controla su partidarionan) – bao di tur esnan cu tin un vehiculo.

Esaki relaciona cu e anuncio cu president di Venezuela Nicolas Maduro a haci diasabra durante congreso di partido di gobierno cu paradogicamente a debati pa flexibiliza e controlnan pisa di economia pa supera e crisis,  cu lo bay regula benta di gasolin – esun mas barata na mundo.

Aunke e no a menciona un aumento, Maduro a señala cu e prijsnan actual di combustibel no ta cubri costo di produccion y ta trece contrabando cune, pesey el a propone pa regulariza benta di combustibel pa medio di carnet di patria, tarheta cu ta duna acceso na subsidionan di estado.

“E gasolin, pa bisa cu e ta wordo regala, ta poco, nos ta paga pa tir’e afo y mester bay awor den un uso racional y esaki ta bay impacta cambionan den henter transporte automotor”, Maduro a señala durante e foro di Partido Socialista Unido de Venezuela (PSUV).

El a laga cay cu entre 3 y 5 di augustus lo realiza un censo pa medio di carnet di patria- cerca tur esnan cu tin un vehiculo.

Venezuela tin e gasolin mas barata di mundo: cu un dollar por paga pa mas di 3 miyon liter y e gobierno socialista a denuncia cu mafianan ta contrabanda gasolin pa otro paisnan unda el a menciona Caribe y Colombia.

Maduro a anuncia diaranzon ultimo cu dia 20 di augustus e lo elimina cinco cero di e moneda -dos mas di loke e intencion tabata- y lo bini cu un cono monetario nobo, meymey di e inflacion, cu segun Fondo Monetario Internacional por yega te na 1 miyon porciento e aña aki.

Cu e moneda di menos balor, di 0.5 bolivar ( 50.000 bolivar di awe) lo por cumpra 50.000 litro di nafta.

Analistanan ta considera cu e distorsion aki probablemente ta haci cu gobierno ta hay’e obliga di ahusta prijsnan di combustible.

Aumento di gasolin ta un tabu den e pais petrolero. Dia 17 di februari 2016, Maduro a subi e prijs pa prome bez den dos decada na 1 bolivar pa liter.

- Advertisement -

DUNA COMENTARIO

Please enter your comment!
Please enter your name here