Home Suceso Mama canando un caminda di cruz pa por mira su dos yiunan...

Mama canando un caminda di cruz pa por mira su dos yiunan bek

453
0
SHARE
- Advertisement -

ORANJESTAD   (AAN): Tin un mama cu tin dos yiu y ta hopi preocupa. E mama akinan, ta di Venezuela, bibando na Aruba. El a bay bek Venezuela pa regla algun cos y na momento cu e tabata den exterior, el a laga su yiunan cerca un bisiña. Pero tin cosnan cu a sosode cu awe e no tin su yiunan cun’e.

E ta hibando un lucha fuerte, mirando cu e no por ni mira su yiunan. Tin cosnan cu a pasa cu ta wordo investiga y pesey el a expresa su mes pa mustra su preocupacion na comunidad di Aruba riba loke ta pasando.

Fatima Gonzalez den su propio palabranan a conta cu e proceso di investigacion di e muchanan ta andando. El a wordo bisa cu pa loke e muchanan a papia, nan tin un proceso di investiga. Nan a aisl’e for di su yiunan, e no por a wak ni papia cu nan. Solamente e por a wak nan dia 23 di Mei pa solamente mey ora.

E mama mes no sa mucho di caso, nan no ta scuch’e, ni papia cun’e. E no tin ningun compañamento di ningun organismo di e pais. E ta sinti cu ta violando su derecho como ser humano, di mama, un derecho di mucha y adolescente, di un famia, di un hogar. E tabata na corte dialuna y voogdijraad a pidi hues seis luna pa nan por haci nan investigacion, pasobra nan no tabata tin algo contundente, solamente cu e muchanan ta bisa y ta acusa. E muchanan a papia loke nan ta pensa y loke nan ta kere, sin a scucha e mama, ni a puntr’e, sin bis’e nada, of sin cu e por a expresa kico e ta sinti. Su preocupacion ta cu nan no ta lag’e wak e yiunan. E funcionario di Voogdijraad a bis’e cu ora e tin tempo, e ta yam’e y un biaha pa siman por ta, e por bay wak su yiunan y solamente mey ora.

E no por splica su mes e forma y manera cu nan ta traha aki na Aruba cu e muchanan, cu e mayornan. Ta un dolor fuerte, ta un preocupacion pasobra ta su yiunan. E no ta un peliger pa su yiunan y nan ta manera acusando e mama cu e ta representa un peliger pa su yiunan, siendo cu ta asina.

 

Acusacion

Tin un acusacion unda cu e muchanan ta bisa cu nan tabata wordo abusa pa e pareha di e mama y un ruman homber di e pareha. Cu nan a wordo viola, penetra, cual a haci saminacion fisico. Nan no a descarta e posibilidad dicon e muchanan a papia. Tambe a mustra cu na Venezuela tambe a sosode esey. Nan ta bisa cu e mama tabata na altura di henter e situacion, cual no ta asina. E muchanan tin 10 y 6 aña. Voogdijraad ta sigui bisa den corte cu e mama tabata sa cu e muchanan tabata den peliger y no a haci nada, cual, segun e mama no ta asina. Segun e mama, e no a haya ningun indicacion cu e muchanan tabata den peliger. Tambe ta acusa e mama, como cu e ta e culpabel den parti di loke ta pasando. Esey ta loke ta preocup’e. Ningun mama ta pone su yiunan na peliger te cu asina leu.

Tur esaki a cuminsa na scol, ora cu e yiu mayo di 10 aña a indica cu e tabata wordo abusa tras di otro pa tanto e pareha como e ruman di e pareha.

Saminacion ta indica cu e muchanan no a wordo abusa, pero na no ta descarta e posibilidad cu si nan a wordo mishi, mirando cu e muchanan a papia.

 

No tin tempo

Segun e mama, nunca e funcionarionan na Voogdijraad tin tempo. E mes ta bay tur dia eynan pa busca su derechonan, pero eynan nunca nan ta atende of ta atende via telefon.

 

Respet pa investigacion

E mama tin respet pa e investigacion, pero segun e, apesar di esey, e ta pidi pa mira su yiunan tur dia. Si e kier pa nan haci un investigacion. Ta pidi pa no pone un banda. E yiunan ta pidi pa nan wak nan mama. Mas cos e mama no ta pidi, pa djis wak su muchanan. Esey ta lo unico cu e ta pidi. E ta respeta cu nan kier proteha e muchanan, pero pa no aparta e mama di nan.

E mama ta mustra cu si e ta di aleha e muchanan di e personanan cu ta wordo bisa cu lo a afecta nan, e ta haci’e. E lo aleha di tur cos cu ta representa un peliger pa e muchanan. Si e ta di keda Aruba, e ta haci’e. Nan ta studiando aki. Pero si e tin cu bay bek, e ta bay, pasobra e tin su cas eynan. E tin comodidad na Venezuela y e tin su famia na Venezuela. Si e ta di bay cu e muchanan, e ta bay.

Na fin di dia, e mama ta pidi pa mira su yiunan, e kier sa di nan. Lo bay sigui e caso aki di cerca pa mira kico lo ta e desenlace si finalmente e mama lo bay haya pa mira su yiunan y despues tambe si e lo keda cu su yiunan, cu na e momentonan aki a wordo aleha for di dje, pa motibo di cierto proteccionnan, a base di declaracion cu e muchanan a duna na scol y cu ta bao di un proceso di investigacion na e momentonan aki.

- Advertisement -

DUNA COMENTARIO

Please enter your comment!
Please enter your name here