Home Naturaleza ‘Mangelnan tin nan manera particular di con nan ta reproduci y sobrevivi’

‘Mangelnan tin nan manera particular di con nan ta reproduci y sobrevivi’

23
0
SHARE
- Advertisement -

Sra. Maureen Laaf -Ras:

ORANJESTAD   (AAN):  Pa henter mundo Dia Internacional di Conservacion di Mangelnan 26 di juli ta hopi importante, specialmente pa paisnan rondona pa lama. Nos sa cu madre tera ta activo (tin ciclon tropical, horcan, tsunami entre otro) y pa locual ta esaki, mangelnan ta forma un baricada entre lama y tera. Banda di esaki nan ta gran fuente di oxigeno tambe, sra. Maureen Laaf – Ras ta splica.

Primordial ta cu mester percura pa informa comunidad di e importancia di mangelnan y pakico ta importante pa cuida nan. Ora cu ta bay construi mas cu 200 camber, bo ta bay haya un trafico di hende cu ta molestia/ cansa naturalesa, specialmente mangelnan.

Mangelnan tin nan mesun manera particular di con nan ta reproduci y sobrevivi nan tin nan mesun mente, pesey ‘mass production’(vooral di cantidad di cambernan) den e areanan aki no ta consehabel. Si un desaroyador ta consciente y ta sinti pa e mangelnan, por hasta uza nan na nan beneficio. Por ehempel nan lo por bira un fuente di atraccion bunita pa e cambernan, segun sra. Laaf – Ras.

 

Pakico ta bisa cu mangelnan tin nan mesun mente?

‘   Como un persona cu ta observa e desaroyo di mangelnan por a tuma nota cu nan no ta un mata cu bo por yega planta manera cu ta planta cualkier otro mata/ yerba. Nan sistema ta diferente y nan ta busca areanan cu ta limpi y cu fluho di awa. Na savaneta por ehempel cual ta un sitio cu mi a observa conhuntamente cu amistadnan y expertonan, mi a siña mas y mas di e comportacion di e mangelnan y nan proceso di sobrevivencia. Mi ta di opinion cu mester educa comunidad hopi! y particularmente e muchanan na scolnan. Mi ta dispuesto pa hiba muchanan riba un tour y mustranan con e mangelnan ta crece, nan habitat, con nan ta reproduci entre otro. Mester mustra e muchanan kico a pasa cu saliña di savaneta cu ta secando, y tambe otro areanan cu mangelnan ta naciendo cual ta den areanan cu no ta contamina y cu no tin mucho lodo.’

Finalmente sra. Laaf – Ras a bisa cu nos como ser humano mester yuda naturalesa door di no sushe, esaki ta posibel si un persona ta bon informa di e importancia cu den e caso aki e mangelnan tin pa Pais Aruba.

- Advertisement -

DUNA COMENTARIO

Please enter your comment!
Please enter your name here