Home General “Mi ta preso den mi mesun cas”

“Mi ta preso den mi mesun cas”

1341
0
SHARE
- Advertisement -

Segun ciudadano Sonny Hoo

ORANJESTAD (AAN)- E ciudadano Sonny Hoo kende ta biba na Weg Sero Preto a acerca DIARIO pa un situacion fastioso cu e y su famia ta pasando aden caminda nan ta preso den nan mesun cas.

Segun Sr. Hoo nan ta biba net banda di un cas cu poco tempo pasa a kima. E cas a keda tur destroza y nada a wordo haci te cu awe caminda cu tin un stof hopi fastioso di tanto e huma y tambe di asbest cu ta peligroso.

Sr. Hoo a sigui conta cu e ta hopi preocupa y spanta pa e situacion aki ya cu e tin yiu chikito cu ta special y ta diabetico y cu e problema aki cu nan no por ni habri nan porta di cas pa motibo cu tur e stof ta drenta den nan cas.

El a avisa instancianan concerni y tambe City Inspector cu a dune tur cooperacion, pero te cu awe ainda e situacion ta mescos.

Net banda di e cas cu a kima tin un bar caminda e clientenan ta uza e cas bandona aki pa wc publico y tambe ora di scol muchanan ta bay eyden pa huma nan porkerianan.

Loke cu Sr. Hoo ta pidi pa si e por haya un ayudo mas pronto posibel pa e  situacion aki cu tine hopi preocupa y pa asina kita e mahos bista di e cas aki y e peliger cu tin ya cu e tin dak di asbest y asina e por biba trankil atrobe.

- Advertisement -

DUNA COMENTARIO

Please enter your comment!
Please enter your name here