Home Comercio Miembronan di SaniBar lo reuni cu minister di Husticia riba e sucedido...

Miembronan di SaniBar lo reuni cu minister di Husticia riba e sucedido di GNC den weekend

289
0
SHARE
- Advertisement -

ORANJESTAD(AAN)— Vito Carlo ta abogado di e doñonan di bar na San Nicolas. E tabata presente diabierna anochi na momento cu a tira un razia na San Nicolas, cu a bay cu un cantidad di e damanan legal, trahando den e barnan. E tabata na Warda nos Costa, y un rato despues di su presencia, hefe di Warda nos Costa, a laga tur e hendenan aki den libertad, nan ta legal.

E cos no a keda te eynan. Abogado Vito Carlo a splica cu loke a preocupa e miembronan di SaniBar, cu e accion di Warda nos Costa a tuma luga. Warda nos Costa tabata tin e autoridad pa actua. Rason pakico e lo a actua ta pa e prostitucion ilegal, cual tabata dos caya panort di e barnan di e miembronan di SaniBar. Nan tin 4 aña ta señala prostitucion ilegal cerca instancianan competente, pero nan man tabata mara. Warda nos Costa por fin a dicidi pa actua. Sinembargo, miembronan di SaniBar ta di opinion cu enbes di bay directamente pa e caya caminda cu e prostitucion ilegal ta tuma luga, nan a bay cerca e miembronan mes.

E forma con esey a bay, maske cu Warda nos Costa tin e autoridad pa haci’e, miembronan no ta di acuerdo. Warda nos Costa, enbes di tuma e informacion na e luga, nan a dicidi pa bay cu nan te p’abao, riba e dia di mas druk di siman. Un otro cos cu tin cu menciona, ta cu den nomber di SaniBar, e abogado a pidi un reunion cu minister di husticia, di biaha a haya oido riba esaki.

Ya mañan, diaranson tin un reunion cu e minister. E problema su tras eigenlijk ta algo un poco mas leu, ta cu maske cu tin cu bisa cu e comunicacion di SaniBar cu Dimas ta hopi bon, pero desde cu nan a cambia nan sistema nobo, Dimas tabata tin hopi kinderziektes. Ultimamente e problema cu e miembronan di SaniBar ta haya ta cu e damanan cu ta bin pa traha, ta bin pa 3 luna, nan no ta haya nan permiso di biaha ora cu nan kier haci nan chekeo medico. Tin biaha despues di 3 luna, nan ta haya nan permiso. Ora cu Warda nos Costa yega p’ariba, si nan no tin permiso, Warda nos Costa tin e autoridad pa hiba nan, pa asina bay wak si en berdad nan ta legal na Aruba.

Tin di compronde for di SaniBar, cu awe, diamars, ta nan dia na Dimas, cu e persona encarga na Dimas, a tende loke a pasa na San Nicolas, ta buscando un solucion mientras tanto pa e miembronan di SaniBar pa esaki no sosode mas. SaniBar ta aplaudi si Warda nos Costa ta haci accionnan contra prostitucion ilegal, pasobra ta un concurencia inhusto pa loke ta e miembronan. Djis e forma con el a sosode, ta desea pa acerca SaniBar pa e accion por tuma luga.

Nan ta drenta traha

Segun Vito Carlo, e damanan ta pasa full e procedura na Dimas. Prome cu nan yega Aruba, ya caba nan a haya e OK pa drenta Aruba. Nan ta haci un chekeo medico na e pais di procedencia y tur cos mester ta OK, sino nan no ta ni haya e VTA pa drent Aruba. Despues cu haci un di dos chekeo medico na Aruba, cu nan haya OK, e ora nan ta haya e permiso di estadia y pa traha.

E damanan cu ta na Aruba, nan ta legal riba e isla. Nan a cumpli cu tur e rekisitonan. E doñonan di e bar tambe a cumpli cu e rekisitonan pa e damanan traha legal na Aruba.

Proceso na Dimas

E abogado a sigui splica cu Dimas cu Warda nos Costa ta apart. Pero e sistema nobo na comienso, tabata tin hopi problema. Miembronan a sufri hopi. Pero ultimo luna, ta bon mes a cuminsa cana hopi bon. Unico cos cu falta ta pa e damanan tin nan permiso den nan man pa nan por mustra autoridadnan competente, cu e ta legal, pa evita cu loke a sosode diabierna, pa nan no wordo hiba te p’abao, pa por saca afo cu nan ta legal na Aruba.

A laga tur hende bay

Tur e damanan cu a bay cu nan, a wordo laga den libertad. Warda nos Costa mes a percura pa nan a yega na pia di trabao.

E siguiente dia

E issue cu tabata tin cu e clientenan tabata tin cu si en berdad Warda nos Costa tabata kier a bay ataca prostitucion ilegal, e ora dicon e di dos dia no a bay na e caya patras. Obviamente e di dos dia e damanan cu ta eherce e trabao ilegal, nan tur a move caba. Nan no ta eynan mas. Un biaha mas, e dia ey si ningun hende no a wordo hiba, pasobra e damanan por a mustra cu nan tin nan permiso y pa es motibo no a hiba e damanan pabao diasabra.

Reunion

Ta premira un bon reunion diaranson. Si a manda carta dialuna mainta, ya pa diamars atardi a haya contesta cu un fecha y ora pa reuni. Esey ta algo hopi positivo cu e minister di husticia ta dispuesto pa sinta cu e clientenan, pa yega na un solucion pa evita esaki sosode y tambe pa yuda. E miembronan di SaniBar ta mas cu dispuesto pa yuda pa pak aan e prostitucion ilegal. Esey ta un problema, no di awo. E problema a cuminsa na Playa, na High Rise. Awor e ta gewoon den backyard di e clientenan. Den dia cla tin prostitucion ilegal, caminda cu e damanan aki tambe ta tippel riba caya, busca nan cliente riba caya. Mester di hopi control p’ariba pa loke ta e parti ilegal. Di parti di e miembronan di SaniBar, nan ta cumpli, Vito Carlo a bisa por ultimo.

- Advertisement -

DUNA COMENTARIO

Please enter your comment!
Please enter your name here