Home Politica Mike De Meza moralmente a viola entre otro art 12 di Landsverordening

Mike De Meza moralmente a viola entre otro art 12 di Landsverordening

68
0
SHARE
- Advertisement -

ORANJESTAD   (AAN):  Parlamentario Endy Croes a baha fuerte señalando posible iregularidadnan den ATA na manera cu cosnan ta cana. Parlamentario a dirigi su mes primeramente riba un auto di careda esta un auto di Drag Race di Ven Eman kende ta ruman homber di Mike Eman x promer minister di Aruba.

No obstante cu Mike Eman a laga un “desaster financiero” atras pa lokual ta regarda pais Aruba pero su mala maya ainda tin influencia riba e gobierno actual. Board di ATA ta consisti di 3 miembro nombra pa minister di turismo encarga ( cual porcierto tur tres ainda ta di e signatura di AVP como cu tabata falta nan Landsbesluit cu diabierna ultimo a bin cla) 3 miembro di AHATA y hunto nan ta propone 1 persona como e Presidente cual mester wordo  aproba pa e Minister encuestion finalmente.

No obstante cu Parlamentario Endy Croes a dirigi un carta cu serie di pregunta data 30 di November 2017 alrespecto e auto di careda aki por tuma nota cu Director y Board Membernan no a “get” the message of kier a aparenta asina.

ATA a contesta Parlamentario Croes 20 di Februari 2018 casi 3 luna despues cu e auto di ruman di Mike Eman a ricibi 1.6 MIYON florin na sponsers for di ATA durante gobernacion di AVP. Pues Ven Eman ruman di Mike Eman a ricibi 72 luna largo cu cheque gordo di Afl. 22.500  tur luna. Ainda falta AAA y APA pa contesta cuanto posiblemente nan tambe a sponser auto di ruman di Mike Eman.

Parlamentario Croes a opone fuerte den Coalision cu esaki no por continua comokiera cu entre otro nos pista Palo Marga mes ta na werki y si no tin pa nos coredornan local no por tin pa un solo persona pasobra e ta ruman di x promer minister.

Asina Minister actual Dangui Oduber desde Februari 2018 a notifica Directora di ATA.  Asina mes ruman di Mike Eman a manda un peticion nobo 24 di Juni 2018 pa Director kende na su turno no mester a ni manda esaki pa e Board di AVP cual ainda ta sinta pero a escohe pa manda esaki toch door pa Board debi cu ta trata di un suma di casi 1 Miyon florin cual E so pa Lei no por tuma un decision.

Tanto Mike Eman y Mike De Meza a lobby hopi serca Marieta pa cu e peticion aki.  Den dicho contract hasta ta para pa “cumpra un auto nobo”.  Board di ATA  ( AVP) ta aproba esaki contra vision di Minister y Marieta Ras scondiendo tras di e decision aki ta core firma mesora. Despues Marieta Ras kier pretende cu el a actua corectamente conforme Lei AB 2011 no 14 cu ta rigi pa Aruba Tourism Authority. Esaki ta un brevet van onvermogen sigur pa tur cu a hunga un rol den e decision aki y Parlamentario Croes a manda un carta pa Minister pa haña mas klaridad.

No mester perde di bista cu Marieta Ras su yiu homber ta casa cu yiu muher di Mike De Meza. Net Marieta Ras alaves ta Managing Director di un compania AFEM Corporation. Net AFEM aki a wordo contracta pa Mike De Meza pa 15 mil pa luna esta 180 mil pa aña. Un Real Estate cu expertisio den toeristische sector. “Het kan verkeren”. Ora lesa Art 12 di Landsverordening AB 2011   no 14 di ATA na letter “e” ta para textualmente dirigi  pa miembronan di Raad van Toezicht.” Echtgenoten of bloed-en aanverwanten tot en met tweede graad, van de personen, bedoeld in de onderdelen “a” tot en met “d”.  A tot en met D ta splika cu esnan cu NO ta bin na remarke pa por bira un miembro di BOARD ta a.) een Statenlid, b.) een minister. Letter “e” ta splika ningun di nan famia y/of aanverwanten.

Pues ningun persona cu ta relaciona directo of indirecto bloed en aanverwanten. Mike de Meza y Marieta Ras ta relaciona cu otro y nan ta aanverwanten y Mike De Meza tabata sa masha bon cu esaki ta contra Ley.

Board cu a propone Marieta Ras riba peticion di Mike De Meza tambe por tabata sa cu nan ta proponiendo algo contra Lei. Esencia di esaki ta cu Mike De Meza ta complaciendo y faboreciendo un persona liga na dje esta Suegro cu Suegra of Friends & Family?

Riba Facebook por mira nan sinta banda di otro na graduacion di nan yiunan na 2016 cu desde e tempo aya ta comprometi. Cu tur respect pa e yiunan cu no tin culpa pero e actonan di Mike de Meza no ta corecto.

Pues no tin duda cu Mike de Meza a actua contra Ley. A regala Marieta Ras un contract di 15 mil pa luna  mediante compania AFEM pa cu su kantoor di Minister y ta nombra Marieta Ras presidente di Board di ATA. Ki integridad Mike de Meza por tin? Nos lo amplia mas riba esaki den dianan nos dilanti. A pocas palabras buen entendedor.

- Advertisement -

DUNA COMENTARIO

Please enter your comment!
Please enter your name here