Home Economia Minister Chris Romero cu reunionnan fructifero cu stakeholders tocante proyecto Fast Ferry

Minister Chris Romero cu reunionnan fructifero cu stakeholders tocante proyecto Fast Ferry

69
0
SHARE
- Advertisement -

E lo genera 120 empleo directo y como 600 indirecto

ORANJESTAD (AAN)—Dialuna mainta Gobierno a tene su prome conferencia semanal di prensa, cu presencia di Minister di Transporte, Comunicacion, y Sector Primario sr. Chris Romero y Minister di Infrastructura y Desaroyo di Medio Ambiente, sr. Otmar Oduber.

Minister Chris Romero a enfoca riba e tema di fast ferry y Minister Oduber a referi na e tarifa socializa di Serlimar.

E mandatario a duna di conoce cu siman pasa el a reuni cu diferente instancia y stakeholders concerni cu Fast Ferry, entre otro Imigracion y Douane, encuanto e parti legal, unda cu diferente preocupacion a bin dilanti, y asina aki a aclarea cierto puntonan cu ta trece preocupacion cune.

Tambe a splica cu den e proyecto aki tin tres area envolvi: hudicial, turistico y comercial.

Encuanto e parti comercial, su conseheronan, entre otro San Nicolas Business Association, ATA y Camara di Comercio, unda cu nan a wak e aspectonan importante y positivo tocante e proyecto aki.

E dignatario a indica cu cada instancia cu cual el a reuni cune ta mira e proyecto aki na un manera positivo, y cu sigur lo beneficia nos pais, pero tambe sigur e pueblo pariba di brug lo haya e desaroyo positivo cu tanto ta anhela pe.

Fuera di esey, tocante e parti turistico, el a reuni cu ATA, AHATA y ATSA, unda nan ta wak e aspecto turistico con por bende Aruba na un manera diferente.

E dignatario a subraya cu ora nan a reuni cu e stakeholders cu ta trece turismo pa Aruba, un di e preocupacionnan ta cu Aruba mester cuminza diversifica su turismo, y pa e proyecto aki sigur por bay diversifica na un manera cu e turismo di time share, cu ta esun cu ta keda mas largo, lo por probecha di haci uso di esaki.

Tambe Curacao ta haya bishita di hopi turista europeo cu ta keda mas largo, cu tambe lo tin e oportunidad di bin Aruba via fast ferry, cu ta un manera mas facil.

Ademas, a reuni cu Parlamento. E mandatario a expresa cu pa ta amplio y transparente cu nos comunidad, mester reuni cu tur entidad concerni.

Y mandatario no a keda cu duda cu Parlamento tambe a mira un desaroyo positivo entorno e proyecto di fast ferry. E desaroyonan cu e proyecto aki lo trece cune ta mas espacio laboral pa nos comunidad, y directamente entre Aruba y Curacao lo genera 120 empleo y mas of menos entre 500 cu 600 indirecto. Esaki solamente trahando directamente cu e ferry, pero e efecto rond di dje sigur lo ta enorme, segun e dignatario.

E siguiente paso lo ta yega na un acuerdo entre Aruba y Curacao. Den otro articulo por lesa tocante e declaracion aki di Minister Romero.

- Advertisement -

DUNA COMENTARIO

Please enter your comment!
Please enter your name here