Home Ciencia y Tecnologia Minister di Husticia trahando riba un Ley Digital di Gobierno

Minister di Husticia trahando riba un Ley Digital di Gobierno

141
0
SHARE
- Advertisement -

Siguiendo ehemplo di Hulanda:

ORANJESTAD (AAN) – Den conferencia di prensa di gobierno, Minister di Husticia mr. Andin Bikker, a duna di conoce cu na Hulanda y netamente Secretario di Estado sr. Raymond Knops, a caba di introduci un ley “Wet Digitale Overheid”  (ley digital di gobierno).

E dignatario a reitera cu innovacion ta hopi importante pa e Gabinete Wever-Croes, pa logra agiliza procesonan cu, innecesariamente, den nos sistema ta tarda.

Por ehemplo procesonan ora ta pidi un bouwvergunning of cualkier otro tipo, hopi biaha e procesonan aki ta tarda kizas di seis luna pa un aña, y gobierno kier acelera e procesonan aki.

E ley di gobierno digital cu nan ta bezig ta  introduciendo na Hulanda, gobierno di Aruba tambe ta observando esey y den buro di Minister di Husticia nan ta formulando un concepto di ley similar, pa den cuadro di innovacion, cu ta asina importante lo por bay agiliza, entre otro, e proceso di permiso bira mas lihe pa esnan cu, logicamente, ta bin na remarca pa haye.

Los di esey tambe e ciudadano por acelera e proceso pa medio di digitalizacion, ora e ta haci un peticion pa un vergunning di gobierno, ora e tin pregunta of un preocupacion.

E mandatario a indica cu Aruba su leynan den hopi caso ta similar na esnan di Hulanda, pero ora cu nan ta traha aya cierto conceptonan di ley, e ta facilita pa Aruba tambe, pasobra ya tin un concepto di ley riba mesa cu nos akinan por delibera riba dje y adapte.

- Advertisement -

DUNA COMENTARIO

Please enter your comment!
Please enter your name here