Home Gobierno Minister di infrastructura a manipula fraccion di MEP pa cancela reunion

Minister di infrastructura a manipula fraccion di MEP pa cancela reunion

103
0
SHARE
- Advertisement -

Parlamentario Michael Lampe:

ORANJESTAD (AAN): No tin seriedad ni den gobierno di coalicion y tampoco den seno di fraccion mas grandi cu ta sostene gobierno, esta MEP, ya cu algun minuut prome cu Presidente di Parlamento a habri e reunion publico yama pa fraccion geel pa minister di infrastrutura bin duna claridad riba su decision pa cobra pa recogemento di sushi,  a pidi pa cancela e reunion.

E mesun lider di fraccion di MEP cu a dirigi e carta na nomber di e fraccion pa manda yama minister di infrastructura, a dicidi cu e reunion no ta necesario mas ya cu gobierno a informa e fraccion cu lo suspende cobransa di recogemento di sushi pa 2018 y esaki lo drenta na vigor pa prome di januari di 2019.

“Ora cu nos a kere cu realmente fraccion di MEP porfin lo para firma como representantenan di pueblo na interes di pueblo, nan a doblega y dicidi di laga cos para y spera prome di januari 2019 pa mira kico ta bay pasa.

Un decision cu en realidad tabata forma parti di henter un schema politico hinca den otro, ya cu pa sorpresa grandi, un miembro d partido POR kende a worde nombra pa minister Oduber na Serlimar recientemente, a presenta pafo di Parlamento c’un grupo di trahadonan di e compania, cuestionando e forma di proceder di fraccion di MEP.

No tabatin motibo pa para e reunion aki ya cu apesar cu gobiernoa dicidi di suspende introduccion di e ley pa cobra pa recogemento di sushi, esaki lo drenta na vigor pa prome di januari 2019 sin cu e minister a aclaria cierto incertidumbre cu a nota den su decision pa introduci eskai dia prome di juli 2018.

E tension den seno di e fraccionnan cu ta sostene gobierno di coalicion ta bisto y awor a bruha ainda mas ya cu tur cos ta mustra cu a kita e derecho di fraccion di MEP pa dirigi diferente pregunta na e minister, riba cierto desaroyona cu nan no tabata haya cu tin claridad riba nan.

Principalmente su decision di impone e cobransa aki for di prome di juli ultimo, mientras cu riba presupuesto tin suficient placa pa cubri pa recogemento di sushi rond Aruba.

Fraccion di MEP a yega Parlamento pa atende cu e reunion aki y a worde informa algun minuut prome cu esaki a inicia, cu e reunion no ta necesario mas pero sin cu tin claridad riba diferente aspectonan cu e fraccion geel a cuestiona for di diabierna siman pasa.

E  decision cu gobierno a tuma pa no cobra pa recogemento di sushi pa e aña aki mas, no ta soluciona e situacion ya cu tin asina hopi aspecto di e ley aki cu no ta mucho cla y no ta splica bon cla kende ta worde exonera y no tin cu paga, ya cu tur cos ta hopi vago y sin mucho splicacion y ta di spera cu den e proximo lunanan cu ta resta di 2018, Parlamento haya claridad riba implementacion di e ley aki prome cu e drenta na vigor pa 2019,” Parlamentario di fraccion di AVP, Michael Lampe a splica.

- Advertisement -

DUNA COMENTARIO

Please enter your comment!
Please enter your name here