Home Politica Minister Lampe a entrega su autoridad pa guia SAA na e bestuur...

Minister Lampe a entrega su autoridad pa guia SAA na e bestuur nobo

47
0
SHARE
- Advertisement -

ORANJESTAD (AAN) — Den conferencia di prensa di gobierno Minister di Enseñanza sr. Rudy Lampe, a menciona cu e Bestuur di SAA (Stichting Avondonderwijs Aruba), ta bay bira e autoridad competente pa loke ta trata middag y avond MAVO for di 1 di Augustus proximo.

E dignatario a expresa cu por lo tanto e tin cu respeta aworaki cu tin un otro autoridad competente y Stichting SAA ta haciendo caba un tremendo trabao. Nan tin, pa tur loke ta nan raportnan y informenan sea financiero of di otro tipo, up to date.

“Pesey mi tin pleno confianza den dje y awe mi ta anuncia cu mi ta entrega, boluntariamente, mi autoridad pa dune na e bestuur y Stichting SAA, cu for di 1 di Augustus ta e autoridad competente y mi a respeta nan decisionnan”, Minister Lampe a señala.

El a reitera cu e bestuur di SAA a propone dos persona, esta Chando Peters y Ruben Werleman e ta respeta nan decision mescos e proceso pa apunta un directora nobo, pasobra nan ta e autoridad competente.

“Mi estilo di goberna no ta pa mete unda cu mi no mester mete pasobra e ora ey mi ‘ta mete la pata’. Akinan nos ta sumamente respetuoso cu e autoridad competente y nos ta gradici na sr. Frans van Drie pa hiba nos palabranan di respet y aprecio, pa tur e cooperacion cu nos a haya, pasobra nos sa cu aworaki middag y avond MAVO ta den bon man”, e dignatario a subraya.

- Advertisement -

DUNA COMENTARIO

Please enter your comment!
Please enter your name here