Home Enseñanza Minister Lampe ta splica pa ki motibo a termina compromiso cu “Insure...

Minister Lampe ta splica pa ki motibo a termina compromiso cu “Insure to Study”

20
0
SHARE
- Advertisement -

ORANJESTAD (AAN)—Minister Rudy Lampe, den conferencia di prensa, a haya e pregunta cu “cual ta e motibo principal cu a stop e relacion cu Insure to Study”.

E mandatario a contesta cu loke gobierno ta na haltura ta cu tabata tin un caso den Corte entama pa minister di enseñanza anterior, contra entre otro, un corant na Santa Cruz, tabata tin sentencia dia 6 di Mei 2015 caba.

E ex-minister a perde e caso aki unda cu e corant no mester a rectifica diferente publicacion cu a wordo haci tocante e compania Insure to Study.

A base di kehonan cu gobierno a ricibi tambe di studiantenan, mesora un di su prome accionnan como minister tabata cuminza investiga pa termina e relacion cu e compania menciona.

E dignatario a agrega cu for di Aruba Huis el a haya informacion cu e contrato cu Insure to Study a wordo renova y tabata tin un cantidad maximo di cinco aña di compromiso di gobierno di Aruba cu e compania aki, y Aruba Huis a menciona den e corespondencia cu te dia 1 di Januari 2019, e compromiso cu e compania menciona, a keda alarga.

A base di tur informacion ricibi gobierno a yega na e conclusion cu por termina e relacion aki pa 1 Januari 2019 y a informa e compania. Dia 19 di Maart e compania a contesta tanto su persona como e minister di finanzas, pasobra ambos mester a firma pa cancela e cooperacion cu e compania aki.

E carta di gobierno mes a bay dia 30 di Januari, pero segun e dignatario, algo a sosode cu nan a ricibi e carta laat. Tambe e minister a referi na e carta di Aruba Huis unda nan ta duna di conoce cu pa 1 Januari 2010 gobierno tin e base huridico pa termina e relacion cu Insure Study.

Tocante e resultado di e destaho publico, e mandatario a indica cu como minister e no por mete den dje, pasobra esaki ta un asunto comercial. Insure to Study a entrega e pakete cu nan a ofrece den e proceso di bidding y aki diferente di e cuestionamentonan cu tabata tin den e Caso den Corte, a wordo contesta.

E mandatario a reitera cu e no por mete den destaho publico, cu ta un asunto di comercio, pero den e documento di e compania a keda aclarea tur duda y el a cumpli cu tur e obligacionnan cu un destaho publico ta exigi ademas cu ta e unico cu a haci oferta, e mandatario a reitera.

Pesey nan a gana e destaho publico pero e ta un compromiso pa cinco luna so di 1 di Augustus te 31 December 2018. Despues di e fecha aki tur compromiso ta termina.

 

- Advertisement -

DUNA COMENTARIO

Please enter your comment!
Please enter your name here