Home Comercio Minister Romero ta haya cu aumento den tarifa di taxi ta hopi...

Minister Romero ta haya cu aumento den tarifa di taxi ta hopi halto

125
0
SHARE
- Advertisement -

ORANJESTAD    (AAN):   Aumento cu e taxistanan ta pidiendo ta di 20%, cual pa e minister ta haya cu ta hopi halto. Sr. Chris Romero, minister di Transporte, ta splica mas ariba esaki.

Na su yegada for di Hulanda, minister a keda di sinta cu e taxistanan, pero esaki no a tuma luga ainda. Pero si e lo tuma luga ainda. E aumento di 20% ta uno sumamente halto. Esaki lo kiermen cu tur caminda riba un biaha di 30$, esaki ta bira 6$ extra. A pidi nan pa wanta un rato, ya cu nan kier haci un encuesta. E encuesta no ta solamente bou di turistanan, pero tambe bou di nos localnan.

E problema ta cu nan no ta un grupo completamente uni. Dus no por tuma un decision concreto pa un grupo so. Pa e minister a haci su onderzoek, e tin e rapport di Economische Zaken, pero tambe di otro instancianan cu a haci investigacion. E ta di acuerdo cu nan mester di aumento, pero e mester ta responsabel. Via e rapport di Economische Zaken, e ta stipula e aumento cu 8%. Pero tin taxistanan cu ta haya cu esaki mes ta hopi. E grupo di taxista ta pidi un aumento di 20%, cual ta algo cu no ta rasonabel.

E encuesta lo wordo teni bou di e hotelnan tambe, pa tende con importante e ta pa un taxista su tarifa ta algo fuera di lo normal. E mandatario lo pone un reunion general, mas pronto posibel. Ora cu esaki tuma luga, e ora e por bisa cu el a scucha tur, ya cu cada rato e e ta tende un otro grupo. E ora e por tuma e decision. Cu ta bay tin aumento, si, paso cu e ta algo cu mester a bin caba. Pero e 20%, e no ta algo cu ta bira tiki di mas. Tin chens cu e taxistanan cu ta outprice nan mes.

Segun e mandatario a sigui bisa, cu tin full un bruhamento bou di otro. Lo tene un reunion general, y despues di esaki, e ta bay tuma su decision, y esey te! Lo bin e 2.5% cu a bin extra. Y si aumenta e prijs cu 8%, ainda tin un speling di 3 biaha caba. E 8% ta hustifica. Minister ta compronde e aumento, pero e 8% ta cover e aumento caba.

Mester tene cuenta pa no outprice nan mes. Turistanan ta bay keha den exterior. Nan lo prefera di huur auto, cu ta mas barata. Pero e importante ta, e encuesta general y e reunion general. Pa loke ta absorbacion di belasting, si duna nan e reduccion di belasting, e ora mas grupo ta bay pidi’e tambe. E realidad ta, cu tur hende ta igual.

Tur hende mester paga nan debernan. No ta prudente pa bay den e direccion ey. Si ta comprendibel di cierto gastonan adicional, auto, gasoline, tire, diesel. Pero mester corda cu nos tur tin e mesun derechonan. Dus no por exonera un, anto duna un otro, privilegio. Asina tambe, Sr. Chris Romero, a duna su declaracion, relaciona cu e aumento pidi door di taxistanan.

- Advertisement -

DUNA COMENTARIO

Please enter your comment!
Please enter your name here