Home Gobierno Ministro Glenbert Croes a duna reconocimento nacional na tur trahador y boluntario...

Ministro Glenbert Croes a duna reconocimento nacional na tur trahador y boluntario social na Aruba

150
0
SHARE
- Advertisement -

ORANJESTAD (AAN): Riba 10 y 11 di juli ultimo Minister Glenbert Croes a haci un di su deseonan realidad esta di duna un reconocimento nacional na tur e trahador y boluntarionan social di Aruba.

Desde cu e mandatario a asumi su encargo ministerial, el a bin realisa den practica ki dificil y intenso e trabao di un trahador social ta. Locual cu mas a impresiona su persona ta cu nan ta traha cu alma y curpa pa e miho di nos hendenan, hopi boluntarionan trahando cu y di curason, sin nunca exigi nada a cambio. Y despues di e caso di e dos Angelitonan, mas profundo e impacto aki a bira riba e mandatario.

Nos tur ta consciente cu Aruba na e momentonan aki ta pasando den e etapa mas critico socialmente. Un problema cu a escala y explota 24 di november 2017 pero cu no a cuminsa ayera. E problema social tin años andando pero cu pa motibo di negligencia y falta di antencion a yega n’e punto culminante cu ta unda cu nos ta awor. E trahador social cu ta e ‘backbone’ di henter bo sistema di asistencia, ta traha dia aden dia afo, 24/7 cu casonan complica te hasta hopi lamentable.

“Den mi parecer nunca nan a haya e reconocimento pa esaki”, e mandatario a declara. Y ta p’esey cu Minister Glenbert Croes a bin ta carga e deseo di por dedica un evento di gratitud na tur. Su manera di bisa tur trahadornan social: “nos ta wak bo, nos ta aprecia bo, nos ta admira bo y nos ta balora y gradici bo pa bo bunita labor pa logra e miho pa nos conciudadanonan. Un reconocimento den forma di un encuentro ameno cu un certificado pa semper recorda cu boso trabao ta balioso pa nos”.

- Advertisement -

DUNA COMENTARIO

Please enter your comment!
Please enter your name here