Home Labor Mundo di casino awendia no ta manera antes

Mundo di casino awendia no ta manera antes

16
0
SHARE
- Advertisement -

ORANJESTAD (AAN) — Segun mediador Sr. Anselmo Pontilius, e mundo di casino a conoce un retroceso bastante grandi. Prome ta haya e mercado Venezolano cu a cay den otro. Esey ta un mercado cu no lo bay haya mas awor aki. Hopi turista por hunga weganan di placa electronicamente, via nan computer, via nan telefon den nan man. E acceso riba hunga wega di placa electronicamente ta posibel y esey ta haci cu hopi turista no necesariamente ta bay sinta pa oranan largo na un mesa of na un mashin. Ademas por a mira cu e casinonan, den e ultimo añanan a reduci hopi mesa. Esey kiermen cu nan mester menos trahado, pa motibo cu nan ta pone mas mashin den e operacion. Tin mas of menos 13 casino operando na Aruba. Tanto gobierno anterior como awo a tuma nota cu a bisa cu na su luga, pa evalua hunto cu AHATA e asociacion di Casino y otronan, manera sindicatonan, con e futuro di casino ta den e totalidad di e mundo di negoshi di turismo. E ta un servicio, pero tin cu tene cuenta cu e tin su situacion den cual e ingreso pa e casinonan ta menos. Por lo menos tin 2 casino mas actualmente cu nan situacion no ta e miho situacion y den tur caso FTA ta envolvi. Ta spera cu nan lo por supera e dificultadnan cu nan ta confrontando.

Tipo di problema

Ta papiando aki di Cool Casino y Orquid Casino. Tur dos tin e diferencianan pa loke ta yega na aumentonan di salario, etc. Pero cu tin di haci cu e casinonan ta bisando cu nan ingresonan no ta manera antes, consecuentemente bo tin e discusion eynan riba mesa y ta spera cu den e proximo simannan aki, nan lo por supera pa firma un ke otro acuerdo, segun Anselmo Pontilius.

- Advertisement -

DUNA COMENTARIO

Please enter your comment!
Please enter your name here