Home Gobierno Nos grandinan di Centro Kibrahacha a bishita Minister Ruiz-Maduro

Nos grandinan di Centro Kibrahacha a bishita Minister Ruiz-Maduro

28
0
SHARE
- Advertisement -

ORANJESTAD (AAN) – Dialuna parti mainta reemplazando nos Minister Presidente di Aruba cu ta cu vacacion, señora mr. Xiomara Ruiz-Maduro a ricibi nos grandinan 60+ na Bestuurskantoor. Nos grandinan a haya un paseo den e edificio di Cocolishi caminda nan a wordo mustra cada kantoor di ministernan y nan personal.

E grupo di Nos Grandinan 60+ a wordo acompaña pa nan leidsternan, como tambe un grupo di muchanan. Despues minister Ruiz-Maduro den nomber di promer minister di Aruba a ricibi nos grandinan den sala di conseho di minister, aki a duna un presentación di e trabaonan cu cada ministerio a bin ta haciendo desde inicio di Gabinete Wever-Croes, como tambe a splica riba e trabao y responsabilidad diario cu cada ministerio tin. Minister Ruiz-Maduro a gradici nos grandinan pa nan trabao y esfuersonan na desaroyo di nos país y pidi bendicion di nos tata celestial pa cada uno di nan.

Ademas e mandatario a ofrece cada bishita un treat di pasabocanan dushi arubiano manera drigidek, pan boyo, koeki lerchi y tert, como tambe algo pa refresca e garganta.

Nos grandinan a keda masha contento y agradecido pa e recepción cu nan a ricibi di parti gobierno di Aruba y a desea e mandatario hopi éxito den su trabao na bienestar di nos pais.

- Advertisement -

DUNA COMENTARIO

Please enter your comment!
Please enter your name here