Home Enseñanza Nos oracion y deseo di exito pa tur studiante cu ta bay...

Nos oracion y deseo di exito pa tur studiante cu ta bay afo!

44
0
SHARE
- Advertisement -

Di hoben pa hoben:

E aña aki tambe nos kier a desea nos studiantenan cu ta bayendo pa bin bek Aruba cu un profesion, sea sigui na Hulanda, Merca, of den nos region, tur cos bon, hopi exito den boso estudio y pa bin bek y por sigui yuda Aruba crece bay dilanti y por supuesto boso mes y boso famia.

Nos ta spera cu Aruba ricibi boso bek cu man habri y e espacio mereci den nos mercado laboral. Studia duro pa logra, pasobra tur loke nos kier logra den bida ta pidi sacrificio: fiesta, namoramento, flohera, etc. Tur esaki mester keda atras. Awor responsabilidad mester bira doble, disciplina, probechamento di tempo na e mihor manera posible, y deseo di progresa, ambicion den e bon sinti di palabra pa logra metanan grandi.

Pero corda, no laga Jesus un banda. E semper bo yame e ta bin, y si bo no yame e ta keda cerca di bo tog pa proteha bo y mustra bo e caminda corecto. E tey pasobra bo mayornan ta haci oracion pa Dios duna bo e guia, e proteccion, e bondad, e caracter cu bo mester pa biba den un pais cu no ta esun caminda bo a nace, y caminda tin cu confronta cu hopi cos diferente, manera cultura, manera di pensa, di actua, otro idioma cu maske bo conoce di nos scol cu nos ta siña Hulandes, Ingles y Spaño, e no ta nos dushi Papiamento di tur dia. Cuida boso curpa, alimenta boso mes bon, drumi na ora, y corda haci oracion. Jesus semper ta scucha!!! Semper nos lo tin boso presente den nos oracion tambe.

 

Mundo di Mucha cu Jesus y

Hobennan cu e Luz di Mundo.

- Advertisement -

DUNA COMENTARIO

Please enter your comment!
Please enter your name here