Home Economia Outlook di Aruba a cambia di stabiel pa negativo door di...

Outlook di Aruba a cambia di stabiel pa negativo door di e situacion na e refineria

244
0
SHARE
- Advertisement -

Minister di Finanzas: relaciona cu evaluacion di Standard & Poors

ORANJESTAD   (AAN):  E trabou duro y persistente di Gabinete Wever-Croes riba e tereno financiero bao di maneho di Minister di Finansa, Asuntonan Economico y Cultura ta duna su fruto.

Gobierno di Aruba ta reestableciendo credibilidad financiero. Algun siman atras Standard & Poors, cual ta un compania di rating cu ta evalua e credibilidad financiero di nos pais a bin Aruba y a scrutina nos pais, a papia cu tur e stakeholders importante y siman pasa Standard & Poors a informa gobierno di Aruba riba e resultado cu nan ta bay di acuerdo pa afirma e rating BBB+ pa pais Aruba.

Segun minister Ruiz-Maduro esaki ta encera cu pais Aruba ta keda disfruta di locual ta un pais caminda bo inversionnan ta sigur.

E mandatario tambe a informa cu mester bisa si cu pa locual ta e outlook, esta miras pa futuro nan a cambia di stabiel pa negativo, esaki tin di haber cu e refineria cu no a cuminsa cu su proceso ainda, e economia di nos pais cu ainda ta delicado y mas cu claro e debe astronomico ta pone un dificultad pa nos pais.

Apesar di esaki Standard & Poors hunto cu otronan ta reconoce e hecho cu pais Aruba a conoce un gobierno nobo cu ta tratando e retonan na un manera hopi serio. Esaki ta brinda e confiansa na nan pa laga pais Aruba na e status di inversion.

Esaki sigur ta muestra cu ta trahando hunto cu seriedad pa logra recobra e credibilidad financiero, e credibilidad cu ta trece e beneficio pa e pueblo di Aruba segun minister Ruiz-Maduro.

- Advertisement -

DUNA COMENTARIO

Please enter your comment!
Please enter your name here