Home Actividad Especial Pa aña e fundacion ta yuda 150 hende muher victima di violencia...

Pa aña e fundacion ta yuda 150 hende muher victima di violencia domestico

291
0
SHARE
- Advertisement -

Fundacion pa Hende Muher den Dificultad a anuncia nan evento “My heart is in Havana”

ORANJESTAD (AAN): Fundacion pa Hende Muher den Dificultad a anuncia nan evento pa recauda fondo contra violencia domestico, violencia contra hende muher y mucha muher “My heart is in Havana”.

Señora Yvonne Spellen, vice presidente di Fundacion Hende Muhe den Dificultad a elabora cu e aña aki e fundacion ta bay celebra nan di 22 aña, y tur aña nan ta haci nan esfuerzonan maximo pa trece concientizacion den poblacion riba problematica di violencia domestico.

E fundacion sa organiza varios actividad pa concientizacion, pero tambe pa recauda fondonan pa sigui cu nan trabaonan. Nan ta traha incansablemente pa pueblo di Aruba por compronde cu violencia domestico mester stop, tanto contra hende muher y contra muchanan, como tambe consecuencianan cu esaki tin riba yiunan chikito.

Actualmente e fundacion ta trahando cu 9 miembro di directiva, cu ta inclui hende homber, kendenan lo yuda den lucha continuo contra violencia domestico.

Señora Magaly Maduro, coordinador di Fundacion pa Hende Muher den Dificultad a amplia riba loke ta trata cifranan, cu actualmente nan tin 50 cliente ambulante; 11 mucha cu a keda den nan shelter. Compara cu aña pasa, e cifra a keda casi mescos, y nan ta mira cu e tendencia pa aña nan ta yuda un 150 hende muher victima di violencia domestico. Mayoria biaha nan tin 20 pa 25 mucha cu ta compaña nan mama den e shelter. Esaki ta un cifra alarmante pa Aruba, mirando cantidad di poblacion.

Señora Maduro a indica cu e fundacion ta ultimo lugar, despues cu un victima di abuso domestico ta purba riba nan mes pa sali for di e situacion of soluciona e problema, y na final nan ta acudi na fundacion pa yuda nan.  Hopi hende muher no sa nan derechonan y nan ta guia nan pa asina sali for di e situacion aki. Señora Maduro a enfatiza cu nan no ta un fundacion pa kibra matrimonio of relacion, si e pareha dicidi cu nan lo traha riba nan problemanan di un manera sano, nan ta contento, pasobra esaki ta yuda sociedad.

Pa loke ta trata e evento pa recauda fondonan, “My heart is in Havana”, esaki lo tuma lugar dia 19 di Augustus na Aruba Marriott Ballroom. Esaki ta un midday dance, kiermen lo tuma lugar pa 11’or am te cu 5’or pm. Prijs pa dos carchi ta 175 dolar, sea pa pareha of amigonan cu kier pasa un rato hopi ameno y aporta pa un tremendo causa. Pa mas informacion riba carchinan, yama of pasa cerca Fundacion pa Hende Muher den Dificultad.

- Advertisement -

DUNA COMENTARIO

Please enter your comment!
Please enter your name here