Home Comercio Pa viahenan interinsular lo ta bon si Aruba tambe por uza cedula...

Pa viahenan interinsular lo ta bon si Aruba tambe por uza cedula como documento

143
0
SHARE
- Advertisement -

Minister Andin Bikker:

ORANJESTAD (AAN) — Minister di Husticia mr. Andin Bikker, den e cuadro di e reunion cu ministernan di Husticia di Reino, cual a tuma lugar na Bonaire, e mandatario a referi na un acuerdo den e marco di viahenan interinsular.

Encuanto e agilizacion di e proceso di viahe entre e Islanan tanto Hulanda como nos islanan ruman Sint Maarten y Curacao, tin un tipo di acuerdo unda via data base nan sa ken ta yegando nan frontera y ken ta saliendo di un isla yega na e otro, nan kier pa e bishitantenan por uza nan cedula manera hopi aña pasa tabata e caso.

Hopi mocion al respecto a worde presenta na Parlamento, incluyendo di mr. Bikker mes unda nan a expresa e deseo aki. E dignatario a señala cu ta incomprendible cu diripiente, aworaki, pa un viahe di 15 minuut, mester di un paspoort y yena hopi documentacion.

Minister Bikker a señala cu nan tin un acuerdo pa nan por cambia e proceso pa permiti pa entre Curacao, Sint Maarten y Bonaire por biaha cu cedula.

Di biaha e mandatario a tuma nota di esaki y a busca mas informacion riba e areglo aki, pasobra Aruba ta cargando e plan di un fast ferry y den e proceso aki, si por biaha cu un cedula y e otro islanan ta den e direccion aki caba, tin sentido si Aruba tambe studia esaki y uni su mes na e regeling aki dependiendo di kico e ta, pasobra ainda nos pais no a haya e texto, pero en todo caso e mandatario ta impulsa e idea y e concepto ta bon, pa por streamline e proceso y sa di antemano ken ta bon bini y ken no, y den e caso aki e no por subi e ferry. Usando un cedula reconoci por streamline e proceso y esey ta yuda pa e ferry den e 30 minuutnan prescribi por mantene un servicio regular entre e Islanan y por sali na tempo bay di un isla pa otro, bay Bonaire y bin back atardi den e tempo stipula.

- Advertisement -

DUNA COMENTARIO

Please enter your comment!
Please enter your name here