Home Actividad Especial Pader Daniel Szpila ta conta cu generosidad di pueblo pa recauda e...

Pader Daniel Szpila ta conta cu generosidad di pueblo pa recauda e fondonan cu falta

54
0
SHARE
- Advertisement -

Suma a surpasa loke tabata tin presupuesta:

ORANJESTAD (AAN) — Pader Daniel Szpila, ken ta guia e Parokia di Dakota, a elabora tambe den conferencia di prensa tocante fundraising cu ta bay tuma lugar dia 13 di October venidero, pa recauda e fondonan cu ta haci falta pa termina e obra di renovacion di Misa Birgen di Fatima.

E sacerdote a cuminza expresando cu “Pastor den un bar” kizas no ta un imagen comun pero “awa keto ta bay den fondo tin biaha” e refran ta bisa.

Pader Szpila a expresa cu esaki ta su prome oportunidad despues di e renovacion di e Misa, pa papia cu medionan di comunicacion y via nos cu pueblo, y na prome lugar e kier a tuma e ocasion pa yama pueblo di Aruba danki pasobra e recaudacion di fondo cu a tuma lugar ta un muestra di e generosidad di nos pueblo.

A recauda 1.440.000 florin, den un periodo di menos cu tres aña y falta ainda solamente 75 mil florin pa caba di paga e debe cu tin.

E Sacerdote a expresa cu esaki ta e motibo pa a bolbe extende e man pa bolbe haya e pueblo su generosidad, den un evento yen di alegria, musica, baile y sigur un actividad gustoso pa yuda e parokia conclui e debe cu a keda pendiente. Ya caba e comunidad ta gozando di un Misa totalmente diferente, elegante, bunita, renova, cu airco unda por sosega na pia di Señor, scucha trankilamente su palabra y goza di un encuentro cu e pueblo di Dios.

“Mi ta confia finalmente boso sostene nos pa nos termina e proyecto aki, y conclui esaki exitosamente, Dia 13 di October di 9’ or di anochi te 2’ or di madruga, gozando di musica, baliando, parehanan, famianan, pa sostene nos den esaki” Pader Szpila a expresa.

Pader Szpila a splica cu e suma di e proyecto a surpasa e presupuesto cu tabata tin, no obstante a recauda casi un miyon y mey.

- Advertisement -

DUNA COMENTARIO

Please enter your comment!
Please enter your name here