Home Gobierno Pago pa servicio di Serlimar ta general incluso esnan cu ta paga...

Pago pa servicio di Serlimar ta general incluso esnan cu ta paga un compania priva

212
0
SHARE
- Advertisement -

Minister Oduber a bolbe enfatiza:

ORANJESTAD (AAN) – Sr. Otmar Oduber, Minister di Infrastructura y Desaroyo di Medio Ambiente a elabora den conferencia di prensa di gobierno, Dialuna mainta, tocante e tema di e momento, cu ta e tarifa social pa recogemento di sushi y maneho di desperdicio.

E dignatario a tuma nota di hopi pregunta cu tin den pueblo, tocante e decision cu gobierno a tuma siman pasa, como culminacion di un periodo basta largo cu tabata tin di combersacion, specialmente cu tres sindicato cu tabata opone na e tarifa cu a wordo fiha na aña 2015, despues tambe di a notifica varios biaha na Parlamento di Aruba, riba e intencion di gobierno pa socializa e tarifanan cu a wordo poni pa e servicio di Serlimar.

E mandatario a bolbe referi na e parti di socializa e tarifanan y esaki, el a reitera, ta a base di un ley cu a wordo introduci na 2005, pa por independiza SERLIMAR hacie un compania suigeneris.

E tempo ey SERLIMAR tabata un departamento di gobierno pa por netamente haci un instancia cu por sostene su mes y cu tin un tarea specifico, cu tabata di gobierno cu a wordo delinea pa e organizacion nobo aki.

Na 2007, e dignatario ta corda cu a cuminza reparti e barinan di sushi door di Serlimar, unda e intencion inicial tabata pa cobra un tarifa di 30 florin, y despues ora di entrega e barinan a laga comunidad firma un documento cu e persona ta ricibi e container na su cas y cu lo bin un cobranza cu reduccion di e tarifa pa 25 florin, mirando cu e tempo ey e servicio di Serlimar no tabata loke ta awe.

E mandatario a expresa palabra di elogio pa e trahadornan di Serlimar, y a duna merito na e compania cu a base di e cambio di ley di 2005-2007 cu a conduci na un compania cu, na e momentonan aki, ta brinda un servicio sumamente halto na su clientela.

E dignatario a señala cu na 2015, considerando cu nunca a introduci oficialmente e tarifa di 30 florin, apesar cu a anuncia esaki y cu ta mara pa ley, gobierno anterior a dicidi pa bin cu un tarifa di 27.50 y pa prome biaha a wordo saca recibonan pa comunidad, na tur e clientenan cu Serlimar tabata tin, y e tempo ey tabata tin tres sindicato cu a protesta: FTA, UEA y ALVAST.

Nan a protesta contra e tarifa aki y a boga y lucha pa socializa e tarifanan. E Gabinete Wever- Croes aki, for di principio caba, a mustra e hecho cu tambe ta pensa den socializa e tarifa aki y den su programa di gobernacion a pone como un di e cuater lineanan cora cu tin y pa loke ta trata tambe e maneho di minister di infrastructura.

E mandatario a indica e hecho cu a palabra den e ultimo eleccion, pa cada partido cu a participa sin excepcion y a forma e gobierno awor, cu mester remedia e situacion di Parkietenbos y loke ta concerni recogemento di sushi y tur a mustra cu esey ta e direccion cu gobierno mester cana. E mandatario a reconfirma cu e pago di tarifa, segun lomba mas hancho ta general, incluso pa esnan cu ta pagando un compania priva sin haci uso di Serlimar.

A base di esaki a prepara, no na un forma ad-hoc, pero mediante un decreto ministerial, un plataforma di trabao unda a inclui TNO, WEB, ATIA y e bisiñanan di Parkietenbos, den e Plataforma aki.

E mandatario a indica cu e raport di e maneho integral aki a wordo entrega na gobierno, den presencia di prensa, pa mustra cu tin un fase na termino corto y un na termino largo pa yega na e solucion total. Na e momento aki, e mandatario a bisa, gobierno ta den e fase intermediario pa cera Parkietenbos.

- Advertisement -

DUNA COMENTARIO

Please enter your comment!
Please enter your name here