Home Gobierno Pais Aruba a firma un declaracion di intencion cu Stichting Algemeen...

Pais Aruba a firma un declaracion di intencion cu Stichting Algemeen Pensioenfonds Aruba (APFA)

150
0
SHARE
- Advertisement -

Pa sondea e posibilidad pa colabora den un proyecto di construccion di vivienda

ORANJESTAD (AAN) — Despues di diferente reunion den e transcurso di ultimo lunanan Pais Aruba a firma un asina yama ‘intentieverklaring’ cu APFA pa sondea e posibilidad pa hunto concretisa un proyecto di vivienda cu cas moderno y pagabel y cu acceso na diferente servicio.

Algun luna pasa a inicia e combersacionnan preliminario caminda cu e partidonan envolvi a  delibera riba e forma con lo por haci e proyecto aki factibel. Den e ‘intentieverklaring’ e partidonan concerni ta declara cu nan ta  sigui cu e siguiente pasonan den e proceso pa investiga y prepara e forma con lo concretisa e proyecto aki.

Algo interesante di e proyecto aki ta e enfoke riba e parti holistico pa crea un bario sostenibel cu e balans necesario entre locual ta construi y e area na unda ta haci esaki. E sitio caminda tin intencion di desaroya e proyecto aki ta e area di Burunbundu. Pais Aruba ya caba tabata tin cierto planificacion pa crea un area di vivienda / comunidad den e area aki cu enfoke riba un mihor calidad di bida.

Manera ta conoci APFA tin e obligacion di inverti mayoria parti di su capital na Aruba. Participacion den e proyecto di vivienda aki ta brinda APFA e oportunidad pa inverti localmente y tambe ta yuda diversifica su portafolio di inversion local stimulando na mes tempo e economia.

- Advertisement -

DUNA COMENTARIO

Please enter your comment!
Please enter your name here