Home Deporte Parlamentario Endy Croes orguyoso di e cinco medayistanan Arubano den weganan C.A.C.

Parlamentario Endy Croes orguyoso di e cinco medayistanan Arubano den weganan C.A.C.

41
0
SHARE
- Advertisement -

ORANJESTAD (AAN)—Dialuna mainta a tuma lugar e conferencia di prensa di fraccion di MEP, den cual a hiba palabra e Parlamentarionan sr. Endy Croes y sra. Setty Christiaans-Yarzagaray.

Parlamentario sr. Croes a elabora riba e Weganan Centroamericano y di Caribe, cu ta tumando lugar na Barranquilla, Colombia, den cual un cantidad grandi di Atleta ta participando, di 27 pais y 36 diferente disciplina.

El a menciona cual ta e paisnan cu ta ocupando e prome lugarnan te aworaki y a elogia tambe Aruba, nos isla chikito batayando den paisnan grandi, a haya cinco medaya te aworaki, y a indica cu e tin un adelanto chikito mirando cu cuater aña pasa a logra cuater na Veracruz, pero ainda falta algun dia pa bay.

E parlamentario a expresa palabranan di pabien y di orguyo, pa e medayistanan y a indica cu den nan maneho como fraccion di MEP lo keda sostene nos Atletanan local pa nan sigui desaroya y yega na otro nivel.

El a agrega cu e proximo pais sede di e Weganan Centroamericano y di Caribe ta Panama, cu a gana e bidding pa aña 1922. El a menciona cu ta bon pa evalua con e aña aki a bay pa nos participantenan y traha nan plan pa aki cuater aña y sigui inverti y prepara nos atletanan, esaki e ta kere den dje pasobra deporte ta yuda construi un nacion y trece e hendenan hunto; e ta un vehiculo pa forma e conciudadano y MEP lo aporta na esaki.

- Advertisement -

DUNA COMENTARIO

Please enter your comment!
Please enter your name here