Home Gobierno Parlamentario Michael Lampe: Tin un tension grandi den e coalicion di e...

Parlamentario Michael Lampe: Tin un tension grandi den e coalicion di e gobierno actual

371
0
SHARE
- Advertisement -

ORANJESTAD(AAN): Fraccion di AVP a trece su reaccion pa loke ta e reunion cu mester a tuma luga diahuebs mainta na Parlamento. Pero manera cu por a wak, a wordo cancela. Segun parlamentario Michael Lampe, siguramente ta mas cu claro pa pueblo di diferente banda ta haya reaccion. Diferente preocupacion cu ta bin y ta mustrando claramente e tension grandi cu tin na e momentonan aki den e coalicion di e gobierno actual.

E caos cu por wak tambe, mirando cu no tin un vision claro di maneho di gobernacion, na unda cu ta haya e ora un situacion asina fastioso pa nos pais Aruba, cu no ta eficiente, cu no ta claro, cu no tin transparencia con e gobierno aki ta hibando su maneho y diahuebs un biaha mas ta keda proba door di e situacion cu a wordo crea, un situacion caotico cu a wordo crea door di e esaki, unda cu una bes mas, ora bo tin un gobierno cu no tin un vision claro, bo ta haya cu ministernan ta cuminsa sali di cada banda, diferente hende ta sali di cada banda pa purba di cuida nan cartera, pa purba di wak unda nan por saca placa, pa asina nan por haci y deshaci.

Segun Lampe, por a mira claramente cu lider di fraccion di MEP den Parlamento, sr. Rocco Tjon, a pidi un reunion na unda cu a sali den diferente medio di comunicacion, pa bisa cu ta para pa un politica profesional for di Parlamento, aparato cu siguramente mester wordo respeta, na unda cu a papia cu lo kier claridad riba e diferente puntonan, di loke ta trata Serlimar, loke ta trata e recogemento di sushi cu minister Otmar Oduber lo kier introduci y lo a yama minister pa bin Parlamento pa asina por duna un splicacion na e organo cu mester haci su trabao manera cu mester ta. Pero ta ripara claramente cu ta hala atras, pasobra den tur e papiamento aki, toch no por para y trece minister pa duna un aclareacion. Bao di presion di e minister aki, e fraccion di MEP ta haya nan obliga di cancela e reunion aki, sino e tension lo bira hopi mas grandi. Por wak cu no a logra di trece e discusion aki pa parlamento. Por wak cu hopi trahado di Serlimar ainda no sa exactamente kico ta pasando, den e wega di politica cu ta wordo hunga na e momentonan aki. E wega di poder cu ta wordo hunga, e sed pa crea mas fondo for di e minister Oduber, na unda cu ta haya cu e trahadonan aki, den nan preocupacion ta yega na Parlamento pa por sigui e reunion aki y claramente por casi yam’e un forma di teater e minister ta sali afo y a bisa cu e reunion a wordo cancela, pasobra e fraccion lidera pa Rocco Tjon, lo a dicidi pa cancela e reunion aki, no pasobra cu el a splica nan riba e preguntanan cu a wordo haci, no pasobra cu el a splica riba esaki pero mas bien a bisa cu e recogemento di sushi aki ta bay drenta na vigor 1 di Januari 2019. Ainda no tin ningun aclareacion na unda e fondo cu el a haya caba for di den presupuesto cu a wordo acorda pa e fraccion aki. E 22 miyon no sa unda e ta bay, pero awor aki no kier duna splicacion tampoco kico lo bay pasa cu e extra fondonan cu e kier crea door di esaki, door di e cobransa na pueblo cu ya caba ta pasando den periodonan dificil, door di e tantisimo medidanan cu e gobierno aki, ta treciendo. Un gobierno di medida, un gobierno cu kier impone y awe por mira un situacion serio. Fraccion di AVP ta preocupa pa esaki. Ta un manera cu tin cu sali na defensa di toch e trahadonan, na e hendenan eyfo cu ta haci trabao diariamente. Mester sigura kico ta e intencion di e minister tras di esaki y ta lamenta hopi ora cu lider di fraccion ta sali, ta para pa bisa cu e lo kier haya e responsabilidad di e minister aki den un reunion publico. Esaki no ta wordo respeta y cu claramente fraccion tin cu hala atras, pasobra si no e tension den gobierno ta bira mucho grandi.

Segun Lampe, ta keda para riba cu no tin claridad riba e presupuesto, ya caba cu a duna na minister Otmar Oduber, kico ta sosodiendo cu e placa aki y un biaha mas, kico ta e intension tras di e placa cu e lo ta creando, e fondo cu e lo ta creando pa cu e maneho di bay cobra pueblo pa e pikimento di sushi. Por bisa cu un biaha mas e profesionalismo y tambe madures di e parlamento den e caso aki, den un forma asina di hala atras bao di e presion di e minister, ta duna no un bon cara na e organo mas halto cu lo mester para pa pueblo, para pa claridad, para pa transparencia, aki ta mustra ora bo tin minister y bo tin e presion cu ta bin di ariba, bo ta haya cu parlamentarionan, den e caso aki di fraccion di MEP, ta haya nan obliga di dobla y scucha pa asina percura cu nan ta keda den nan posicion, pasobra esaki ta e tipo di gobierno cu nos tin actualmente, un gobierno di medida, un gobierno cu ta impone, un gobierno cu no ta duna transparencia na loke mester tin, pero ta bezig cu un wega politico atrabes di diferente forma. Tin hopi cuestion mas cu lo ta treciendo den e dianan aki, tras di e forma con ta trata cu e trahadonan di Serlimar, e forma con e ley aki kier wordo implimenta, sin cu ta haya informacion riba e privacy di nos hendenan, na e forma con lo maneha cu a mira cuanto bo ta cobra, atrabes di e diferente formanan pa yega na e cobransa di e pikimento di sushi, ta diferente puntonan cu lo bay ta trahando riba dje for di fraccion di AVP. Pero e punto ta keda si cu ta haya den un situacion hopi caotico y ta kere cu e ta na su luga pa cuestiona unda e placa ta bay cu por mira cu tin un hamber y sed pa crea fondonan pa asina por haci y deshaci cu placa di pueblo y na e mesun momento ta haya cu no tin un claridad riba esaki.

- Advertisement -

DUNA COMENTARIO

Please enter your comment!
Please enter your name here