Home Salud Pashent cu problema di higra ta cana un caminda basta largo

Pashent cu problema di higra ta cana un caminda basta largo

162
0
SHARE
- Advertisement -

ORANJESTAD   (AAN): E storia di Mario Arends, ta un poco largo. E mes ta conta cu mas of menos 25 pa 30 aña pasa Arends a haya geelzucht. Nan no tabata tin informacion preciso kico tabata geelzucht. E tempo ey el a wordo trata, pero por a corda e dokter a splik’e cu e cos cu e tin, yama Hepatitis.

E tempo ey ta Geelzucht nan ta uza. El a kere ta un sorto di camber. Despues a bin compronde cu mester descansa, isola su mes y pa ziek’e uit.

Despues di basta aña Arends a cuminsa sinti hopi cos. E mester a opera su tripanan entre otro.  El a sobrevivi tur e cosnan aki. Ultimo el a sinti su mes manera cu el a lanta cansa, manera estilo wayaba. E tabata birando tur dia mas pisa. El a dicidi e ora bay dokter controla y berdad el a haya contacto, via su dokter di cas, el a haya un specialista, unda cu el a haya un bon check up y a recomenda pa e haci un serie di test. A bin detecta cu e tabata tin sirosis, pero avansa.

Mesora Arends a puntra dokter pa e alternativanan. E dokter a splik’e cu e ta purba cu pildo, pero esey no a logra. Dia pa dia Arends tabata perde peso, apetit, etc. El a yega na un stage cu e mester a bay den exterior. Un dia dokter a yama su famia y mester a haci e pregunta un tiki duro pa hopi hende.

Danki na Dios cu Arends ta enfrenta esey. E di cu e mester transplante di higra. Esey ta e unico solucion, sino e lo no sobrevivi. Arends a puntre ki dia e por bay. Asina cosnan a cuminsa draai, aunke cu a tuma tempo. Contal Arends a logra yega Hulanda, a inscribi eynan, mester a laga su trabao atras, famia, cas, bende parti di e cosnan cu e tabata tin y el a yega eynan. A bin e ora e parti investigativo, cual a tuma algun luna.

Na Leiden el a haya un hospital yama LUMC, unda cu a tum’e hopi bon. Esaki a bira un proceso basta largo, riba 30 pa 40 test, di curason, sanger, higra, tur cos, Arends a relata. Ora cu el a pasa e test, e dokter a anuncia na su famia cu e ta bay riba un lista basta halto y cu e ta hopi serio. Mester di un donante pasobra esaki no lo bay dura mucho. E pregunta a keda si Arends lo bay sobrevivi.

Arends a splica cu na hospital na Aruba y uno na Rotterdam ta asocia cu un database cu diferente pais na Europa cu nan ta intercambia donante, pero aparentemente e ta bay for di un database, unda cu nan ta scan, y ta manda bek precies e informacion. Por ehempel na Italia un pashent ta wordo prepara, y despues cu avion nan ta mand’e na Rotterdam unda cu e transplante ta tuma luga.

Arends mes a pasa den hopi duro, mirando cu dokternan no tabata mucho entusiasta pa su recuperacion. Hasta su nomber a wordo geschrapt for di e lista. Despues di a ricibi Santa Oleo y hopi resamento, al fin y al cabo el a bin haya uno.

Bo mester kere den loke bo ta bay haci y esey ta loke el a haci. Arends a keda entusiasta den henter e proceso cu el a wordo opera. Esey tabata basicamente a sosode cu Arends. Esey tabata na 2016. Ya ta dos aña cu Arends a haci e transplante. El a regresa Aruba y awe e ta conta su storia. Loke el a pasa aden, e no kier pa ningun hende no pasa aden. E ta algo hopi duro y hopi sacrificio. El a bisa su mes cu e ta lanta un fundacion cu tur e forsa cu tin, pidi profesionalnan pa join y danki Dios cu e tin dokter Jreige Iskandar cu ta den e directiva di e fundacion.

Sr. Roy Mezas tambe ta den e organisacion, kende a indica cu ta duna tur loke e por. E ta un di e personanan cu ta hinca e action plan den otro. Un trabao excelente, segun Arends. Door cu ta nobo, no ta facil pa coordina. Tur esaki ta nobo pa henter e directiva. Pero toch, ta ora pa presenta na e pueblo, pa splica con e cos ta.

Na Aruba nos tin hopi creencia y loke ta hopi importante, cu tur hende tin chens di haya Hepatitis. Cada tanto tempo ta bin un descubrimento nobo.

- Advertisement -

DUNA COMENTARIO

Please enter your comment!
Please enter your name here