Home Remitido Pelea pa poder

Pelea pa poder

128
0
SHARE
- Advertisement -

Ora lesa den prensa local e desaroyonan rond di Serlimar , Serlimar djis como ehempel pasobra tin mas, ta  na un conclusion so pueblo por yega na dje esta cu ta un pelea pa poder tin. Un banda Gobierno/Minister y otro banda Pueblo representa pa Parlamento. Y den e buya ey un of mas presunto sindicato , representando mayoria?, ta mete bao capa di interés di e empleadonan.

Historia a demostra cu asina un Gobierno/ Minister bringa pa independisa den forma di un compañía (sui generis of no)  un obligacion di Gobierno , ta e Minister ta tuma e poco poder di control  over cu Parlamento  tin pa medio di aprobacion di begroting.

E caso di Serlimar no ta nada otro. Minister ke haya poder completo pa e maneha Serlimar na su antoho nombrando su hendenan den posicionnan cu ta dune poder pa maneha sin debido control di Parlamento. Y Parlamentarionan di su y otro partido político ta permitie lubidando cu ta nan ta representa pueblo cu ta doño!

Aki ta caminda nos sistema estatal a/ta faya pasobra , a pesar cu nos sistema no ta basa riba dictadura sino democracia toch nos sistema ta laga buraconan habri caminda Gobierno/Minister por crea y ehecuta dictadura.

Preguntanan :  Pakico ta Gobierno/Minister ta nombra miembronan di un “conseho di comisario” of bao otro nomber e personanan cu tin cu guía y controla maneho di un companía di Gobierno?

Den nos sistema estatal no ta Parlamento tin e tarea di controla Gobierno/Minister? Anto pakico no ta Parlamento tin e poder pa nombra e comisarionan (of otronan bao otro nomber) cu tin cu guía y controla e maneho di un companía di Gobierno?

Den e caso di Serlimar tin poco punto cu, segun comentarionan, no ta carga aprobacion den comunidad, entre otro : di con a permiti companianan particular haci trabaonan cu awor Gobierno/Minister ke pretende cu ta Serlimar so mester haci e trabaonan ey?  Anto sin recompensa e companianan particular!

Di con mester bay cobra segun entrada di habitantenan di cas, sin menciona con ta bay cobra tur e bishitantenan den hotel etc etc? Mescos cu ke cobra ciudadanonan segun balor di cas/entrada , no ta posibel pa cobra bishitantenan segun prijs di camber? Gobierno/Minister ya ta cobrando “roomtax” y ta facil hisa roomtax pa paga Serlimar of pasa parti di e actual roomtax pa Serlimar. Por lo menos asina ta aparenta cu ta cobra e bishitantenan tambe.

Y pa loke ta sindicatonan cu ta pretende di tin representacion di mayoria  den departamentonan y companianan di Gobierno : NO LUBIDA cu ta pueblo ta doño y no boso y menos ainda e empleadonan. Ora boso ke haci acción pa logra algo : CORDA pa boso accion no stroba bida diario di  pueblo PERO haci boso accionnan di moda cu ta stroba solamente esnan cu no ta duna boso boso kier!

 

rsarends@hotmail.com

- Advertisement -

DUNA COMENTARIO

Please enter your comment!
Please enter your name here