Home Policial Polis a aresta muher na tempo prome cu el a corta garganta...

Polis a aresta muher na tempo prome cu el a corta garganta di un puppy

756
0
SHARE
- Advertisement -

ORANJESTAD  (AAN): Dialuna algo prome cu 11’or di anochi, mey-mey di tur e trankilidad den area di Tanki Flip, diripiente sonidonan raro por a wordo scucha.

Habitante di un cas a scucha un grito y yoramento, manera tin un persona ta maltratando un otro persona. Mesora e doño di e cas a yama polis.

Como cu Warda di Polis di Shaba ta hopi cerca, un unidad di Polis a yega basta rapido na e adres, y agentenan a core baha bay mira.  Nan no por a kere nan wowo!

A bin topa cu un muher manera posei, of bao influencia pisa di droga tabata  purba corta  garganta di un cacho chikito.  E tabata haciendo esey cu un cuchio di cushina pa corta carni.  E paña di e muher tabatin diferente mancha di sanger caba.

E puppy a ricibi diferente corta y herida den area di su garganta, y diripiente a logra scapa for di e muher agresor.  Polis a handle mesora cu e muher, a pone abao y a pone su mannan den boei.  E actitud di e muher a pone agentenan sospecha cu e ta bao influencia di droga.

Polis mesora a pidi presencia di Transportwagen pa hibe Warda di Shaba.  Esaki a yega rapido, pasobra mientras tanto Polisnan tabatin man duro contra e muher aki pasobra asina mes cu e ta aresta, e tabata agredi varios di e polisnan cu tabata papia cune.

Despues di basta lucha a logra domin’e y hink’e den e Transportwagen.

DIARIO a compronde cu Diamars den dia, diferente voluntario a bay busca e cacho pa asina e haya trato medico, pero no a haye.  Nan a check cu tur Veterinario rond di Aruba, pero ningun di nan a ricibi e cacho.

Cualkier persona cu por sa unda e cacho ta, ta ser suplica pa contact Animal Rights Aruba urgentemente na 593-4584.  ARA ta dispuesto pa paga pa tur e gastonan pa e cacho haya trato di veterinario.

- Advertisement -

DUNA COMENTARIO

Please enter your comment!
Please enter your name here