Home Policial Polis a duna boet na tur chauffeur cu no ta pone señal...

Polis a duna boet na tur chauffeur cu no ta pone señal na rotonde Tanki Flip

2662
3
SHARE
- Advertisement -

ORANJESTAD (AAN):  Percura pa bo auto ta den bon condicion!  Check si bo tirenan ta bon of ta tur na lona.  Check si bo luznan ta funcionando.  Hopi auto coriendo ultimo tempo cu luznan kima, of cu no ta pone signlight na rotonde.

Ta increible pa kere cu ainda na 2018, tin miles di chauffeur cu tur dia no ta ni worry pa pone nan señal ora di ‘sali’ for di un rotonde.

Chauffeurnan cu ta floho pa pone señal, no sa cu nan ta stroba otro chauffeurnan cu ta wardando un chens pa subi rotonde pa bay.

Debi cu un chauffeur iresponsable no ta pone señal… e otronan ta keda pega den e fluho di trafico y pesey filanan ta bira asina largo.

Polis tambe sa esey, y pa tal motibo regularmente nan ta tene control na rotondenan di Aruba!  Nan ta gara tur auto cu ta sali di rotonde sin pone signal-light.  Comosifuera cu e palanca di signal-light den nan auto tey pa ‘adorno’.

Pero awor cu nan a haya boet, nan cartera lo bay pica ora cu nan haya sa ta con hopi nan lo mester bay paga!

Pesey mes!  No bira mescos cu e chauffeurnan aki Diaranzon mainta na altura di rotonde di Tanki Flip.  Cuminza pone bo señal cada biaha cu bo ‘sali’ for di rotonde!  E ta ley, y bo mester respeta esey.

- Advertisement -

3 COMMENTS

  1. Awel si den cual articulo eta para paso te cumi sa dia ma pasa mi rijles e polis mes a bisami cu no tin un regla pa pone señal riba rotonde awo ta kidia nn a implementa e ley eynn

  2. Un di boso por pone un screenshot of un copia caminda e ley ey ta para?
    Mi tin gani wak unda e ta skirbi.

    Pls pone copia pami na unda e ley e ta skirbi!

  3. signal no ta motibo cu trafico ta pega.
    no ta paso e otro auto tin signal poni kiermen cu e ta bai bira paso e signal por e keda cendi pa kwalkier motibo i e chauffer no sa mes i abo ta bai sali i ata bo ta causa accident.
    semper ora bo ta haja les pa rijbewijs ta wordo bisa cu no ta paso bo mira signal bo tin cu sali .
    bo tin cu warda te ora bo wak cu e auto ta slow i cuminsa bira .
    si polis ta pensa esei ta motibo cu trafico ta pega nan ta full fout .

DUNA COMENTARIO

Please enter your comment!
Please enter your name here