Home Noticia Internacional Polis Ingles a revela nomber di dos pasahero cu a trece droga...

Polis Ingles a revela nomber di dos pasahero cu a trece droga for di Aruba

1187
0
SHARE
- Advertisement -

Captura na Gatwick Airport

ORANJESTAD (AAN): E oficialnan di Aduana y Security na Gatwick Airport na London, ta un di esnan cu tin mas experiencia pa detecta cualkier pasahero nervioso, detecta cualkier articulo sospechoso den equipahe, y sigui body-language di e miles di biaheronan cu ta yega na Inglatera.

Pesey pa nan, tabata hopi facil pa a gara un pareha cu a caba di yega Gatwick Airport, cu dos handbag yena cu droga.

E oficialnan a bin descubri e cargamento di droga scondi den dos handbag di pasaheronan cu a yega for di Aruba.  Esaki a pasa Diabierna mainta 6 di Juli.  Despues di a papia cu nan, y haya permiso pa habri handbag, a bin descubri e droga.  Mesora nan a wordo aresta. E cocaina tin un peso di como 15 kilo.

Segun Tim Kingsberry, kende ta Director di e seccion di Border Force South, nan a usa nan habilidad y experticio, y pesey oficialnan ta gara facilmente esnan cu ta trata di importa droga peligroso.  Den e caso aki, e droga cu a wordo confisca por tin un balor riba mercado di £1.2 miyon, cu ta alrededor di 3.5 miyon Florin riba caya.

Trahando cu autoridad di National Crime Agency (NCA), nan ta determina pa preveni traficacion di droga y trece esnan responsable pa husticia.

Despues cu e droga a wordo confisca, e investigacion a sigui awor den man di NCA.

E pasahero masculino ta David Fasano, un homber di 31 aña di edad cu a nace na Italia, pero ta biba na Grove Vale Road, na East Dulwich.

E pasahero femenino ta Tania Cedino-Piguane di 25 aña, naci na Spaña y di cual su adres di biba na Inglatera no ta conoci.

Algun siman pasa, David a sali riba un vuelo di Avianca for di Heathrow Airport te Bogota cu un Boeing 787.  El a pasa algun dia na Bogota, Pereira, Belalcázar, Valle del Cauca.

Despues di Colombia, aparentemente el a regresa Inglatera.  Pero dia 28 di Juni el a bolbe subi avion for di Inglatera, y lo a bin Aruba.  Sinembargo DIARIO no a logra haya sa unda el a hospeda riba e isla aki.  No ta conoci tampoco si acaso ta na Aruba, of ta na Colombia el a conoce e pasahero femenino Tania.

Mientras tanto, despues di nan aresto ya caba Dialuna 9 di Juli  nan dos a presenta dilanti Huez Comisario y decision a cay cu nan ta keda deteni.  Nan proximo presentacion dilanti Huez lo ta dia 14 di Augustus na Croydon Crown Court.

Nan aresto a bin tambe, despues cu Gobierno di Inglatera a lanza un “Serious Violence Strategy”, pa combati e impacto devastador cu droga tin riba nivelnan di violencia severo.

E ta ilustra tambe un lazo fuerte entre droga y violencia severo, y e demas problema cu ta sigui pasa den henter e pais.  Gobierno a bin cu un accion pa ataca e actividad violento aki.  E accion di Border Force pa stop droga prome cu nan drenta den e pais, ta un parti principal di e trabao aki.

Oficialnan di Border Force ta usa equipo di high-tech pa busca y combati crimen di narcotrafico, y ta detecta tur loke ta ilegal y restringui cu mulanan ta trata di drenta cune den e pais.

Den henter Inglatera, e uso di diferente tecnica di buskeda, incluyendo cacho cu ta detecta droga, tambe detector di carbon-dioxido, monitornan di curazon, y scanner, y buskeda visual, ta yuda haya droga scondi unda cu ta, como tambe arma, y tabaco.

- Advertisement -

DUNA COMENTARIO

Please enter your comment!
Please enter your name here