Home Gobierno Polisnan tin problema cu computer pero Ministro ta prefera atende asunto di...

Polisnan tin problema cu computer pero Ministro ta prefera atende asunto di Fast Ferry

136
0
SHARE
- Advertisement -

Parlamentario Robert Candelaria a mustra

ORANJESTAD (AAN): “No ta un dia ni dos, sino ta simannan caba trabao den Cuerpo Policial ta obstaculisa pa problema cu computer. Polisnan no ta sinti cu Minister tin atencion pa e asunto aki”, asina Robert Candelaria, Parlamentario pa partido AVP a denuncia awe. E ta lamenta cu e Minister, siendo e politico responsabel pa maneho di husticia y Polis, ta mucho activo pushando un proyecto di Fast Ferry.

“Si no por traha, si no por procesa proces-verbaal, si no por tuma keho y manda pa Ministerio Publico, ta henter nos sistema investigativo ta bin abou”, segun e Parlamentario cu den pasado tabata Inspector di Polis a vocifera. Nos ta lamenta cu despues di simannan, ainda no sa tampoco kico ta e problema y ta laga e Polisnan desampara atras.

“Tur dia mas y mas nos ta haya prueba di un falta di liderazgo, falta di vision y un falta di conocemento den e materia aki di parti e Gobierno nobo. Si ni un problema di netwerk no por soluciona, ta con lo frena e ola di criminalidad aumentando riba nos isla?”, e Parlamentario ta puntra su mes.

Fraccion di AVP ta siguiendo e desaroyo aki di cerca y ta pidi e Polisnan poco pasenshi cu e asunto aki. E ta haya lamentable cu e prioridadnan di e Gobierno aki ta completamente robes y ta mustra mas tanto di ta comprometi pa nan mesun interesnan en bes di esun di comunidad.

- Advertisement -

DUNA COMENTARIO

Please enter your comment!
Please enter your name here