Rocco Tjon:
ORANJESTAD (AAN): Durante un conferencia di prensa di fraccion di MEP, parlamentario Rocco Tjon a papia riba e asunto di Serlimar.
Segun Tjon, na Augustus lo tene un debate riba e topico aki.
“Pa nos por hiba e debate aki na un manera eficaz, eficiente y al caso, for di siman pasa caba nos a manda hasi diferente pregunta riba e topico aki, pa nos por haya e contestanan y tambe e documentonan cu den nos concepto nos mester di dje pa hiba un debate al caso y pa na final di dia nos por tuma e mihor decision”.
Esaki segun Tjon, kende a bisa cu e preguntanan cu a wordo hasi ta riba e sistema cu lo kier bay introduci.
“Nos kier scrutina e documentonan riba cual esaki ta basa”.
“E otro preguntanan riba e topico aki tin di haber cu funcionamento di Serlimar, Jaarrekening-nan, contratonan etc., lo nos kier wak esakinan, pasobra na final di dia si kier bay introduci algo, nos di Parlamento kier tuma nos decision mas mihor posibel”, segun e parlamentario.
