Home Enseñanza Premier Evelyn Wever-Croes a duna contribucion na Plan Nacional di Enseñanza 2030

Premier Evelyn Wever-Croes a duna contribucion na Plan Nacional di Enseñanza 2030

119
0
SHARE
- Advertisement -

ORANJESTAD (AAN): Minister Rudy Lampe di enseñansa a inicia e proceso pa yega na un plan nacional di enseñansa. Pa por yega na e plan aki e comision encabesa pa señora Sheila Maduro ta entrevista varios stakeholders. Entre nan tambe premier di Aruba señora Evelyn Wever-Croes.

“Enseñansa ta e caminda pa crea un futuro briyante pa nos pais. Innovacion den enseñansa ta un prioridad. Tanto pa loke ta e infrastructura como e contenido mes. Den e vision pa enseñansa den 2030 nos ta desea di mira lo siguiente:

Un situacion den cual tur mucha y hoben por haya les den klasnan no mucho grandi, den edificionan adecua y cu material y ekipo moderno.

Pa loke ta e contenido nos mester enfoca mas riba e habilidadnan cu ta permiti e hoben adapta su mes na situacionnan cu ta cambia hopi liher. Habilidad di comunica y colabora mas. T’asina so nos por prepara nan pa e economia di futuro.

Nos sistema di enseñanza mester ta cuadra cu e demanda riba mercado, p’asina e graduado por haya trabao sin problema una bes e caba su estudio.

Nos studiantenan den exterior mester haya oportunidad di bolbe back Aruba pa aporta na nos desaroyo economico.

Mi ta convensi cu a traves di innovacion nos por logra tur esaki. Mi ta felicita Minister di enseñansa cu e paso importante aki,” Premier Evelyn Wever-Croes a remarca.

- Advertisement -

DUNA COMENTARIO

Please enter your comment!
Please enter your name here