Home General Prensa local y Aruba henter a bisa Ruben Trapenberg te despues

Prensa local y Aruba henter a bisa Ruben Trapenberg te despues

249
0
SHARE
- Advertisement -

ORANJESTAD(AAN): Diasabra, 7 di Juli, amigo, coleganan, famianan a reuni pa asina duna Ruben Trapenberg su ultimo adios. Esaki a tuma luga na Aurora Funeral Home for di 5’or di atardi y 9’or di anochi. Ruben Trapenberg a fayece na edad di 56 aña, un edad asina hoben, na un forma inespera. Pa 7’or y mey di anochi, su yiu muhe Stacey-Ann a tuma algun momento pa dirigi algun palabra na e publico. El a remarca cu su tata tabata un persona hopi alegre, cla pa yuda y semper tabata tey pa su famia. Ta un tristesa inmenso cu e mester a bisa su tata ayo, kende a cuid’e hopi.

Sr. Aldrich Croes, director di Aruba Broadcasting Corporation, a hiba palabra, bisando cu Ruben Trapenberg tabata un persona cu semper a bisa cu pa tur cos tin solucion, un persona cu un positivismo masha grandi mes. Tambe el a remarca cu nan dos tabata hopi uni y tabata yuda otro den tur cos. Coleganan di Tele Aruba tambe a bin hunto mustrando asina e dolor grandi cu e partida di Ruben a laga den nan curason.

Ta extende su mas sincero condolencia na famia y conocinan di Ruben Trapenberg. Cu Ruben sosega na paz.

 

- Advertisement -

DUNA COMENTARIO

Please enter your comment!
Please enter your name here