Home Policial Pueblo ta hunga un rol importante den combatimento di criminalidad

Pueblo ta hunga un rol importante den combatimento di criminalidad

98
0
SHARE
- Advertisement -

Halto Comisario Hoo:

ORANJESTAD(AAN): E profesionalidad entre poblacion y Cuerpo Policial ta hopi halto segun Alto Comisario Andrew Hoo. Mester mas of menos un 200 polis mas pa nan bezig optimalmente den tur sentido di palabra, pa por duna e servicio mas miho posibel. Awor aki den gobiernonan anterior y te ainda, ta purbando pa werf mas polis cu ta posibel.

Pero e problema ta cu tambe mester wak e calidad. No ta bay solamente pa e cantidad, pero ta mik tambe pa calidad. Esey tambe ta hunga un rol. Al fin y al cabo ta haya ongeveer te awo, goedkeuring pa 20 polis mas cuminsa. Eseynan ta worde gewerfd pa cuminsa e klas di 2019. 2018 ta cuminsa cu un klas awo. Esey ta bay haci cu ta bin cu mas polis den capacidad awo.

Con pueblo por yuda:

Pueblo ta hunga un rol importante den combatimento di criminalidad. Hoo ta mira pueblo como wowo y oreanan pa cuerpo. Polis no por ta tur caminda, pero pueblo si. Si bo mira algo pasa semper meld, yama 100, bisa un hende yama polis ora bo mira algo cu ta ilegal.

No participa na actonan criminal y no bay yuda criminalnan, no bay sconde hende cu ta core pa husticia. Den e sentido ey, pueblo por yuda hopi. Duna cooperacion semper y cuando. E unico hendenan cu no gusta polis, ta esnan cu ta haci cosnan contra ley. Si bo ta un ciudadano ehemplar, bo no mester tin ni miedo ni rabia riba polis. Duna cooperacion a tur yeg na bienestar di e pais aki.

Ki mas tin pa duna asistencia:

Polisnan riba caya ta e cara di Cuerpo Policial. Tambe apart di esey, tin e Flex Team, cual ta traha mas tanto den oranan di anochi pa marduga. Nan ta haciendo un hopi bon trabao. Tur siman tin un relato di loke nan a haci. Nan ta enfoca mas riba e barionan problematico.

Nan ta bay den e hotzone unda cu tin hopi problema. Nan ta target tambe autonan cu ta banda di costa. Resultado ta cu nan ta haya hopi droga den auto cu ta te ainda pa propio uza. Tambe armanan ta worde haya. Los di esey tin e Rapid Response team cu ta duna sosten na surveillance. Nan ta yega ora cos bay fo’i man. Nan tambe tey riba caya. Tin e motor unit cu ta guia en principio, pero tambe ta visibel, pasobra nan tambe ta treed op. Loke ta lantando cabes ta coremento bao di influencia. Esey ta kita hopi tempo for di polis, pasobra tin cu deal cu esey. No solamente di para e persona riba caya, sin e afhandeling. Tur esey ta kita tempo cu un polis cu por ta riba caya pa combati otro sorto di criminalidadnan. Esey ta algo cu ta hopi di lamenta tambe cu ta core auto bao di influencia.

- Advertisement -

DUNA COMENTARIO

Please enter your comment!
Please enter your name here