Home Actividad Especial QUOTA international of Aruba a instala su directiva nobo

QUOTA international of Aruba a instala su directiva nobo

156
0
SHARE
- Advertisement -

ORANJESTAD(AAN)–Recientemente a tuma luga instalacion di directiva nobo di QUOTA International of Aruba durante un brunch na Tierra del Sol. Miembronan di directiva ta: Laurel Romijn-Pope, Presidente, Gladys Kock, Vice-Presidente, Farida Mansur, Tesorera, Isabel Dammers, Secretaria, Farida Feliciana-Figaroa, Director of Bylaws, Nicole Leslie, Director of Service, Irma Gordon, Director of Development & Growth.

Un di e metanan principal pa QUOTA durante e aña fiscal vigente, 2018-2019,  ta pa pone mas atencion na muchanan den necesidad banda di nan proyectonan pa conscientisa pueblo di Aruba pa Cuida bo Oido.

Quota International of Aruba ta existi 31 aña na Aruba dunando servicio y conscientisacion na e importancia di Cuido di bo oido. Esaki ta wordo haci tambe hunto cu otro instancianan di nos comunidad manera por ehempel FEPO, Wit Gele Kruis, Rode Kruis Aruba y Korps Politie Aruba durante nan Siman di Kibra Silencio na September anualmente y durante periodo di Carnaval.

Pa Presidente Laurel Romijn-Pope esaki ta su di dos aña consecutivo como Presidente di e Club y ta cla hunto cu su team dinamico pa organisa un anja mas di QUOTA International of Aruba dunando atencion y servicio na comunidad di Aruba.

QUOTA International of Aruba ta un club di damas di nos comunidad cu ta profesionalnan, ehecutivo y donjonan di nan propio negoshi.  Hunto nan ta traha ariba proyectonan pa asisti otro instancianan di nos comunidad y asina logra haci bida di nos conciudadanonan mas mihor.

- Advertisement -

DUNA COMENTARIO

Please enter your comment!
Please enter your name here