Home Gobierno Radar y helicopter pa polis y ley di identificacion obligatorio lo restaura...

Radar y helicopter pa polis y ley di identificacion obligatorio lo restaura trankilidad

245
0
SHARE
- Advertisement -

Rocco Tjon:

ORANJESTAD (AAN): Un di e topiconan riba cual parlamentario di MEP Rocco Tjon a papia den e rueda di prensa di su partido Dialuna, ta seguridad na nos frontera.

“Nos por a tuma nota ultimo tempo den medionan di comunicacion, cu diferente boto ta drenta”.

“Mi kier felicita Kustwacht tambe pasobra nan a intercepta algun tambe e ultimo siman aki, cual ta di aplaudi”.

“Esaki tin nos atencion y diferente biaha caba nos a Sali bisa cu e radar ta algo hopi importante”.

Esaki segun Tjon, kende a bisa tambe cu den un reunion cu minister di Husticia, el a confirma cu tin un comision instala caba y cu e siman aki caba e comision aki lo trece nan conseho na e mandatario, pa cuminza cu  proceso pa Cuerpo Policial haya su propio radar.

Esaki banda di e radar di Kustwacht.

“Mi ta kere cu esaki ta un paso hopi significante, caminda cu e minister di Husticia ta coregi locual a bay robez den pasado, caminda cu Mike Eman a permiti pa destrui e radarnan di Aruba”, segun e parlamentario, kende a indica cu esaki sigur lo eleva seguridad na nos frontera.

“Apesar cu tin diferente otro instrumento pa yuda manera un team di vigila costa (Kustsurveillance Team), sin e debido guia y ayudo, nan no por traha na un manera eficaz”.

“Pesey e radar ta bay ta hopi importante”, segun Tjon, kende a indica tambe cu Minister di Husticia a trece dilanti cu tur cos ta cla pa dentro di poco Aruba haya su propio helicopter.

Tjon a bisa tambe cu ta trahando riba introduccion di e ley di identificacion obligatorio (identificatieplicht).

Esaki ta bay percura pa polis por actua mucho mihor contra ilegalidad, segun e parlamentario, kende a indica cu e ta sigur cu e tres instrumentonan aki ta bay percura pa e trankilidad den nos comunidad wordo restaura.

Prome cu e ley por wordo introduci, lo discuti cu Cuerpo Policial y cu Ordo di Abogado.

Tur nan consehonan lo wordo incorpora, prome cu e concepto di ley wordo entrega na Augustus.

- Advertisement -

DUNA COMENTARIO

Please enter your comment!
Please enter your name here