Home Policial Recherche a cay den investigacion di accident fatal

Recherche a cay den investigacion di accident fatal

1406
0
SHARE
- Advertisement -

Como cu a haya basta bala cayente…

ORANJESTAD(AAN): E accident fatal cu a socede Diahuebs madruga riba caminda di Tanki Flip pa Shaba, a haya un rumbo diferente.

DIARIO a haya confirmacion, cu Cuerpo Policial, y tambe Autoridad Hudicial a cuminza cu un investigacion, ora cu a bin sali na cla cu tabatin varios bala di pistol 9mm cu a spat riba caminda.

Polis mes a haya basta bala cayente. Ora cu a haya e balanan cayente a avisa mesora Recherche, pasobra esaki ta bira nan investigacion.

Polis di Trafico ta investigando e accident, y autoridad hudicial di Recherche ta dirigi riba e nuebe balanan cayente cu a ser haya.

A haya tambe dos pieza di un arma benta abao, y tur cos ta mustra cu esaki ta pieza di un Glock, e.o. un spring y e pida mas abao di e peña.

Kende tabatin e arma den su poder?  Y unda e arma a bay?

Hecho ta cu e balanan a worde haya cerca di e victima pasahero di e auto Nissan Sentra.   Pero tog no por bisa cu exactitud di kende e balanan tabata.

Tres persona ta envolvi den e accidente aki, di cual dos a fayece. Pa e motibo ey, awor autoridad ta buscando pa haya mas Security Video cu por ta existi di e accident.

Aunke nan tin un idea con e accidente a sosode, tog nan kier haya algun video di cualkier camara di seguridad cu por confirma 100% nan investigacion, y check kendenan por a recoge e arma y/of mas bala y bay cune.

Polis kier check cu e videonan, si acaso prome cu Polis a yega, ya caba otro hendenan lo a pasa man pa e arma y otro bala, y sconde nan.

Tur esaki ta tarea cu Recherche tin pa asina saca afo exactamente kico a sosode. Concluyendo por bisa cu aki tin investigacion di trafico andando y tambe investigacion penal pa cosnan contra ley presente na e lugar di e desgracia.

Si acaso abo a bay cu un arma of mas bala di e lugar di accident, mihor bo acudi na Warda di Polis y entrega esaki.

- Advertisement -

DUNA COMENTARIO

Please enter your comment!
Please enter your name here